Nov 09 – ANLEN A EDALENAI!

“Do sanaiyaman apsele Gamangtungan amangban anlen edalen a garberaian adnang Anin ruang pisirdian a d’ong appaile Misor desan saring amdungle urunglenten. Nami gija, anlen rajam-nam a tannodan adam, Kades garda lingan daku” (Danisam 20:16).

Garberan do sanensenan batte, amben a garbertenan adnang. Garberna-ling-ben ranaptin daku, do kan bangsa do jznjzn murdadam agarbertenan abmele. Bibol-lingan gijtabe, yangam tumadgijmar Jirimiya tanangle Kitungan do Israel atarangdilen, do aninji abmele garberle.

Nami janang, amben Kitungan atanurdu-ling adakunaben hangnaben dete do ayengan a kanalkalan saring mandrengnaben daku kun ate pangle garberan batte kuddub banandan adeben dete. Kitungan gamete, “Bar Hen yante gamle desan adnabs’zdai kun asan Hen kantin sabjale abdzben asan, do desan asan temang-Hen uante kanti rzrdangle tetten a tanangben asan, Hen bo mandra aninji amang lingan saring saijlai, bindo Hen buteja adrabanglai.” (Ejekiel 22:30).

Er-kadab-ling-ben a garberan Kitungan jalanglangten. Angante amben a garberte anamnan batte pasijbenji abmele, abo j’ele birinda-lingan, ranukkun do desan abmele, Kitungan agaja akkaridae edalen agarberan. Bibolan kznolabenden ordardage a raja ualte a dukkarin a d’ong Rani Estor, a Ganargaran a bojoraiben asan (Estor 5:6). Bogad kan ambrij ordaran a raja lumlenden, amben ogandile gijba Rajanji a Raja do Kitunganji a Kitung, garberben amdangle kuddub abojoraite.

Mandranji do desan abmele dile tordong a garbertenan adnang J’e-ben a suyeman batte barij deben dete. angante a suyeman dungte Kitungle Jisu rumang baranji lumte. Kan ambrij asuyeman batte, Anin kuddub garberan batte gadlamle U’an Kitungan amangba (Jon a surda 17). Angante j’e-ling-ben Kristun a suyeman barij dete, a jardina amben aboi garbermaran a dete.

Angante amben a garberten er kadablenben, Kristu Jisun janang mangbaben tanangte do garbernabe U’an amangba apaiberte. Bibolan gadlamlangten: “Iten asan gamlenden anlen a banalaian ​abmele arturdu-imna-ben asan anlen a gugu buyan adraptie, ette ted. Bindo pintun a lanuman sadan sadle anlen ambrij kudduban abmele Anin tanungjengan dele.” (Ebri 4:15).

Erkabdabling-ben a garberan bogad janalangan adelenden dukanaben saisaited, bindo erkabdabling-ben garbernaben dete (1 Tessalonika 5:17). Agante agante ate garbernalen dengte mandradaman asan. Bindo anlen erkabdabling-ben garbernaben dete. garbernalen Kitungan amdangle jalanglangten, bogad dingle janangan. Kitungan a sayamlangtinan do sanabyun lingan dakulangten. Anlen a garbertenben adnang, Anin a garbertenben adanang adnangdagepo?

Okiy Kinolbe absele: “Seletten Samuel Israel a kuddub mandranji a d’ong gamenten, Mispa lingan rukkunaba, do tetten hen amben apsele Gamangtungan amangban garbertai” (1 Samuel 7:5).