Nov 08 – MOTHETHANU

Darshaner Grandh 2:10Thona avajako bhavetin dekan chamakmath;yidek tham paricho vena bhooth thamema thodsekena khaidema ghalacha ; dass daad bhaveti padocho;pan thu  mothethanu saspanethi ra; jana jeever kireetana thona dunchu.

Thar Jeevanema Dever dai Sathethi ann nammakamethi thon moth avajethanu saspanethi renu. Thu kannavatho Dever mundag nammakamethi rastho shashwith rer ashishen palechi.

Agadiyar dadema vethijako Smyrnar sabhana masaj vela ayithi. Romar sarkar yek chattam laayithi vu kaikatho seji doosar Deven dhokanaju yekloj Romar chakravartin dhokanu. Kun dhokekoniko vujen ghano vela ghale. Athra jada velama jarejako vo sabhan Dev ma thamen jeever kiritana devunchu ketahnu himmath derocha.

Mar premer Dever beptavo thu Christhu valo ken thoni masaj vela arichkaiko, Thu kaam karrojetha maryadi dagarjayero, marakayero assa vela arichkaiko, lapan yesejimayi thu nammakamethi Dever dai renu kan bhoolmath.  Thu karro jako paapethi thar gareebpanen ann kaichenijen kanaker veni.

Danieler saam dekhatho vor jaan javajethanu Deven nammakamethi renu kan ghat karlen bancho. Vo dadema Babulon sarkaare valen Yudavaal katho padikoni. Jana yek hakkam layethe 30 dadethanu kunireda kunsi Deven reda manikyan reda araj karnukoni yekvela araj karatho vo sinkoser khayema patkajavacha. Yee hakkam ayeethoi

Daniel daden 3 haptha  vuncher gharema jannalen Yerushalemer saam vagadan Vor saaso Deven araj karero bhoolokoni ,jana Danielen padan sinkoser khayema patkanake.

Kannai haath chodenijako Dev Danielen vo Sinkoser mundema haljavanaju banchadnako. Von dekan Danielena ann Danieler Deven saso Dev kan Vo desher Raaj hakkam dino.

Shadrak Meshak Abednegona  herdelalo, vunen sada assaj vela ayithi , kunvatho Rajer soner bommaar mundag godi vaaleniko von padan angarer khayema bagajavacha. Athoi vu theeni dhokekoni jana vunen padan angarer khayema baganakey jana charmo admirnai Devaj vunen jathan kidojen dekhancha.

Mar premer Dever beptavo thu sada Vuj Dever saru nammakamethi rastho thon sada vu Dev Sethi vuncho padacha.

Ajji jada dhyan karen pado Hebrivalun 11:35 Beerey marena dinijako vunder vaalena jeevyavju karlidi;thodsek sresht jeevyayer paalen, choot jayena Maneniju phajithina paalide.