Nov 07 – DHAAPAN RER DALL

Philippivalun 4:11, 12Maar kamthima maa hanu kerokoni, kassenkatho- ma kunso sthithima runthoi, dall dhapan rer seeklidochu.

Cheniju reroi manna malam kasseko jaagemayi solimayi dhaapan renan, Bhookethi renan, bharpoorethi renan, kamthima renan seekvaadi lemalochu.

Abba padejako vachanema Apostle Paul seekvaadi karmelochu ann malam karmelochu kan keroch. Thodsek heva thonthuj malam karmelochi. Ajji thodsek heva doosar seekvaadithi malam karmelochi. Paul vor athmik jeevanen vodaldevaasu vonvuj sathen malamkarmeloch. Ajji thodsek  Paristhivodithi sathen Prabhur seekvaadithi malam karmeloch. Atho yaseji paristhima sada dhapan rero kukan acho malam karmeloch.

Yek nammakamethi sevakarevaler jeevanema aandi vungalo ann andaro chajako jangaler nai velan palden dall bharithi  banchu karacha. Athraj koni lapan yek viswasir jeevanema sada, andivunglo avajanna jaad padjavukaracha ann sukharijako paanseji thutan vaalen veralen javukaraju manna kasen athra jada andivunglo  sarik vela arich kan soch karukaracha.

Atho Vo voswasithi Prabhu kerocha,  “mar beta  jhaden andivunglo avjanna vajako phaido kaiko malamka? Jaad jada valen vovdiyevdi haalajanna vo jhader jadd vajji vundo jammima jathanu jhad ghat vejavacha. Vuj valethi kaam denikako dolivo ann paan sada jadd jathanu navvo doli ann navvo paan pedavacha .

Vo jhader beejavo valethi vikarathani ajji dussar jaad pedaven jaag dacha. Hanoj thar athmik jeevanema avajako velathi thu ajji jada athmikvadi jada voddan Devethi chuntan rechi “, yee vathethi vu viswasir dall bharathani Dever krupama ajji phelavacha.

Apostler Paul moto seva karana masaj admivun Dever saam pherothoi vor jeevadama yek kaant kajako sathaner  sandesher nai vethi kan Paul keldo. Athoi Paul vo velama sada dall bharathani vetho.

Bibilema  Daveed Rajer gharema  vor chachaberer jeevanema ladai chalthanu baap chajako  Daveed betathi bhar daklago. Viswasivunaj baap chajako Abrahamer jeevanema vor sunderethi vethijako gharevalithi masaj vela ayeethi.

Ajji jada dhyan karen pado Gener vath 15:6 Badathi rajako ghano dhannethini, Yehovar dhaker thodsek dhannaj aacho.