Nov 08 – KARAHIDAN SIKKOI JA!

“karahidan sikkoi ja dernadage dea, bar Hen mandrengnan a raja-ranubboban tiytam” (Anabpungge 2:10).

Amben janardin do derna batte dakunaben dete Kitungan amanglen-bo dena abmeleted orde bagu, bindo mandrengmadtan sikkoija. Bogad dernadage Kitungan amangba adakulenden, karahidben sikkoija, Kitungan anabsittan adanete.

Smyrna apsele ateng kanalkalan dakule, abmang Kristun ayamling. Kun ayamling Romi maranji asorkar pengbaleji kuddub mandranji Romiji amngling aturdumben dete gamle do idjaja a kitung agankzldong gamle. Do buteja kun ate adnordiadji, kun asan awrloge anabkalkalan deleji. Do Kitungan egale jzbjzbaiten mandrengna ranubboban sarebasingan asanabyun batte, kan ambrij kanalkalan sanle adyiradji.

Tanahimdam Kitungan a onagji, amben janang enegoi kanalkal-lingan asaransante. Bogad-den bararalingben, Kristumar asan, d’ong-nam janang anabkalkalan, anbdukkan do ganandroijan, dernanam asan.

Kuddub kanalkal-lingan, amben dernadage adeben dete Kitung-lingan. Amben ijaja pintun lumle adrabtie daina ahangben asan. Daina ahangben abmele kan ambrij abara alumben sanaisaited orde danukan saring kan ambrij daina ahangben abmele.

Daniel a d’ong gijgijba. Anin dernadage dakule karahidan sikkoija. Kun ayam-lingan, Babylon arajaman-ling judanji abmele. Enegoi rajaman aberna anappain dele, butente bokurdi galji dena sikkoija Kitunganji orde mandranji a d’ong gankzlte, raja a d’ong sadan sadle anin a d’ong kznas’ing-lingan panidan dete. angante raja murti ganabdelan delen ayamling janang, Daniel kun abmele abantongad. Abedgardan anin Kitungan a d’ong abgugule do garber-ling dakuneten, langkan adarakuna saring, Jirusalemba akzrdiki rille, bo dena-lingan yagi tara, kun ambrij lumle.

Kun asan Daniel a d’ong kznas’ing-lingan panedan dele. Bindo Daniel abangtongad. Karhidan adnang janang, anin denadage adeben asan oskailen Kitung-lingan, karhidan sikkoija. Kun batte Kitungan ateng m’oihle, do kznanji ato’ad bondole Daniel a d’ong abdainale.

Sodorokkon, Meshack do Abed-Nego a d’ong gijgijba. Aninji aj’e-linganji oskailing dakulenji ranan a murti ablimsingben gamle, aninji ablingsinglenji asan togi lingan panedan deleji Kan ambrij akanalkalan, aninji raduloge tanangleji adenan batte Kitung-lingal. Do Kitungan aninji ampara dakule togi-lingan do Anin a d’onganji rable do abdainale.

Tanahimdam Kitungan a onagji, bogad amben aoskailenden derna do janardin Kitung-llingan, Anin amben ampara dakuten, rabrable, absittale do abdainabenten.

Okiy Kinolbe absele: “insalonji yanar’mengan batte a kahid maranji a d’ong am’eng hangleji, bzgarda maranji karran satid samoihan hangan hangle d’ongan a ranabraban aja-adji, yante gamle bo jznjzn bangsa yanarm’engan aninji rapti hangteji” (Ebri 11:35).