Nov 05 – UMUD ANORDEDAN!

“Anin kurzng-jzngan adnabaldinge do umud anordedan appadhide, bindo Anin sakkai bitsaran” (Jisaya 42:3).

Kitungle umad anordedan appdhide, bindo anabta’ar abmete. Tana’aran abmele gijtabe, anlendaman tungjin-naben dete. Bogad-den, anlen Kitungan abmele puanglangten apurba dena –lingan do yaryarmanengbanji. Bogad-den anlen tanimhiman batte barij deandele baranji Kitungan abmele lumbe.

Bogad-den anlen karidalai baran alumben abmele kanalkalanji asan mandrengna ling-len. Bogad-den anlen garber mandrengna karidalai, do tana’aran asuile. Kitungle asuyemdan nami janang kan kudduban bandale togi batte abpuangle do agale ajzbjzbeten ambrij Anin angaja umud anordedan appadhide.

Langataran asui-tarte abmele ateng garamgamnji daku. aboi lingan, asui-miholan adaku batte. Angante anlen saitaben mang-ling-len Marid Janggardan sanaisai gamle dile mandrengna-ling-len, kun ayam dirgale tana’aran dete alun-ugar-ling-ben. Jajzngan adnang, adta’are, bogad asui miholan delenden adtarre, angante miholan dakule janang. Kan ambrij aggarber-lingan adakulenbenden orde Kitungan batte adakulenbenden yangam maride orde manaridan dea mandrengnalen.

Manaridan do ganarberan adakulenden kanalkalan maih sattang dakute. Kanina ate; anlen anabsittan janang adhangben ruangan saring.

Tumadgijmar Jirimiya angante anin ermaridan gijle Israel-lingan dakulen adraptied. Anin edaneten; “Ranan yan a adil dele do tangjab ranan yan a banandan dele! Sarebasingan arenganji dile rondardi lingan sanzdszdan dele. Tangjab ranan ambrij Sion a janattidage onggeronanji yan gamle kumbij maran a s’i sanabjan labo dangan mabrij danisaman deleji!” (Edana 4:1,2).

Bo dinna darakuna lingan er maridan dakule, janggardadage aganijgijan s’iedle. Janggardadage amndrengna-lingan danuka delen, angante anlen Janggardadage amadan s’iedele er tana’aran batte. Raja Daudo edaneten; “Danukkan batte m’od-henji balaile; kuddub bera mar-henji asan m’od-henji parduraile.” (Sanenken 6:7).

Tanahimdam Kitungan a onagji, Kitungle abta’arle do abmarangten janggardan mandrengnale. Butente abta’arte amndran, asui tana’aran abta’arten janggardadage a mandrengna-lingan. abasuyem gamle janggardadage amandrengnan do Kitungan okij asuyeman batte bargutulte.

Okiy Kinolbe absele: “Gamangtungan lanangka-ben a mukkan puangete do abasuyembente” (Danisam 6:25).