Nov 03 – GANUGU RANUBBOBAN!

“Anin b’ob-ling-nam asuyem ranubboban tiytam” (Bangsa Hanang 4:9).

Raja a b’ob-ling ranubboban dete. Raja ranubboban ranan, mukta, etigoi ateng janadtin arengan batte ganabdelan dete. Enegoi ayengan amandranji bo rajaman abhanateji aninji kun ranubboban yangteji. Kun batte ganalaman dete do raja, danemar, do kuddub ranaptin, surda danemarn gamle ganalaman dete.

Angante kan ate a jardinna, kuddub ordar-lingan a dane ranubboban kun ayam-lingan yirtai. Bogad anindaman bangsa adhanadamneten, etigoi anin raja dane bara lumte, taniyan adeten ayaman sikoija. Kan janang enegoi, angante Raja gobte garobgob-lingan, kuddub dane a s’i-lingan taniyan dete. Do kun ayam mandranji limsingteji abaranji saring, raja amang saring bangsa ranubboban a hangben asan.

Bindo bibolan gamte sosodage a ranubboban abmele, asuyeman aranubboban, sanayaman do anablu aranubboban (Sanenken 103:4). Ganugu ranubboban do panemengan a ranubboban abmele. (Ebri 2:7). Kan a ranubbobanji jznjzndam do murdadam ordaran aranubbobanji saring. Anappai Pol idolle ranubboabanji abmele: “Dele janang bute bute arbade yzrtenji, aninji kudduban abmele judamtenji. Yante gamle aninji bo anabs’zd ranubboban rapti hangteji, kun apsele antate lumteji, bindo anlen bo er anabs’zd ranubboban a hangben asan a judamtenai”. (1 Korintia 9:25).

Kitungan ranubboban tiylangten sanabyun do sanayaman. Ganugu do panemengan batte. Yan a langga Rajanji  a Raja a onanji do a dangardionanji gamle. Jajzngante amandranji gamteji ateng akznol do a ganalam aninji aranubboban gamle. Jajzngante ate doctor, engineer orde bitsaramar kani na ranubboban gamle. Neta maranji anogandi neta adeben ate na dane ranubboban.

Bindo Kitungan a mandranji abmele, janardin a ranubboban maih ate Marid Janggardan a janabboban. Angante Raja Daudo, ateng ordardage a ranubboban hangle, anin gameten Marid Janggardan a janabboban jznjzn murdadam. Anin gamle Sanenken-lingan 92:10: “Bindo Aman dzreng-hen, kandrzng-tangan a dzrengan ambrij, abgugule; Aman d’ong-hen tabme miholan batte jodlih”.

Kan ate janabboban saring, kan kudduban hangtabe Lanangkaba a ranaptin saring. Marid Janggardan anlen ampara adakunaben susueten, do anlen aranaptin do aganugu batte barij delai. Do buteja manglen saring pangle adraptie. Kan aboi janabboban na, kani na ate mandrengna ling-len Janggardan ataniytiyan na, do ragal janggardan a jo anabsujan dele. Do kani na ate Marid Janggardan a janabboban ordaran saring bo ansadage.

Okiy Kinolbe absele: “Aman bera mar-henji adamban mukkaba-hen garagan a tebzlan oskaite, Aman miholan batte jodboblih; garagaman-hen gutsurte” (Sanenken 23:5).