Nov 02 – BO SURDA RANAPTI!

“Abasuyem gamle d’ong-hen gadlamih, iten d’ong-nam karran radu abmetam?” (Bitsara 16:6).

Kun ayam-ling, Dolila Samson asoso ranaptin agalamben asan areguijeten. Nami janang, kuddub ordaran agalamben itsumte asoso ranaptilen, anabsittalen, kuddub baralen do karaloge Kitungan aranapti itente baraten manglenlen.

Samson amang-ling surda ranaptin dakule, do kun ate anin dile tordong abaratinan asan orde langalanga ganaga battented. Orde jznjzn murda ganagan adakuad.

Dolila pede amandangle bo bzgardan saring orde galamle bo surda ranaptin gamle Samson amang saring. Anin agalamben itsumle kan surda ranaptin uan saring yirtai gamle yangam anin mandran Gaja gardaba saring rabrable, yangam ajar ajar mandranji a d’ong kadhidle, yangam anin yagi soa kulunji do Pilistian-lingan ajandrum arab-ben abmele lumle, orde yangam anin s’iokzdan a d’ong kabhidle, a s’i-lingan ijaja adakuad.

Do angante anin ualle, Samson gamle itente a j’e-lingan dakule ate do gamle: “B’ob-ling-hen a u’un angaja kanungan batte anabjaban addead. Iten asan gamlenden angante hen karudkudan delih kun a dinnan saring, Kitungan amang Najir mar, gamle sanurpidan delih. Bogad b’ob-ling-hen a u’un k’ungle sdlenjiden, ranadu-hen mangba-hen saring dunglen yerte, do hen bzgarda mandran ambrij er ranaptige detih” (Bitsara 16:17).

Angante amben a kznolte, Samson a nogandead anin a soso a surda ranapti abmele. Anin oblingle sidle a u’un-lingan aranaptin. Yan a rumandage a berna Anin Kitungan a d’ong anabguguad, ayengan a ranaptin a tiyten amandran.

Kun a soso ranaptin bagu-tarding dakule. Aboi ate Marid Janggardan a ranaptin. Anab-bagu ate mandrengnan a surpid-damna. Angante butente kan bagu a mandrengna saring adakue, ranaptin do ranadu dunglen yerte.

Marid Janggardan abmele, bibolan gamte: ‘lanangkaban saring ranaptin’. (Luk 24:49). “Bindo Marid Janggardan mang-ling-ben yeraian a tiki amben ranaptin hangan hangle Jirusalem lingan, barij Juda desan, Samariya desa lingan do ordaran a tennodban sikkoi ja sakki mar-Henji a dete.” (Anappai 1:8). Kan a Marid Janggardan kun Samson a yam-ling janang dakule rananpti do ranaduge. Anlen kznoltabe: “Gamangtungan a Janggardan anin a d’ong abhanaben asan susueten.” (Bitsara 13:25). “Abubmung Gamangtungan a Janggardan Samson a d’ong abrabdueten….” (Bitsara 14:6).

Tanahimdam Kitungan a onagji, angante Marid Janggardan mang-ling-ben yirtai, amben ranaptin do ranadu ayangte. Bindo ranaptin ayangben apsele, manarid-lingan do mandrengna surpitdam-ling dakunaben dete. amben daman er kznsa-ling-ben Marid Janggardan batte dakunaben dete.

Okiy Kinolbe absele: “D’ong-hen abraduten a Kristun batte kuddub baran rapti lumtai” (Pilippi 4:13).