Nov 01 – ANGAJA AKKAREDA-AI!

“E Jakub do e Israel, kani bernanji ayimba; iten asan gamlenden aman boanta-Hen, Hen d’ong-nam gardzlai, aman na boanta-Hen. E Israel, Hen d’ong-nam akkareda-ai!” (Jisaya 44:21).

“Aman Hen-ate. ahim-nam batte gudinglai. Do yang-nam akampungle saring Hen sedalam. E Israel, Hen angaja akkareda-ai d’ong-nam”, Gamangtungan gamte.

Er-sanensenan a ordarling dakutenben hangdranganji akaridaten a ordar. Buten buten mangben saring hangdrangan hangle ersenlaben do karidateji d’ongben. Butente amben a timyimte, kuddub a hangle ate karidan-karidale d’ongben angte. Bute bute ate d’ongben handramle do d’ongben er galamge mandrengna-lingan, er hangdramdage absebenten.

Angante kuddub hangdrangan hangle do gardiben karidale do karidate, Kitungan d’ongben akkaridae. Gamangtungan gamete, “Yangan a memena onan a d’ong rapti karedate po? Anin a kudlen a passijan a d’ong adnasuyemdae po? U u,  anin rapti karedate, dele janang Hen d’ong-nam akkareda-ai. Gija, Hen a bagu atalsi-ling-Hen lanad-mukka-nam idolai, kanti-namji tordong mukkaba-Hen daku. (Jisaya 49:15,16).

Titte bagu bernan daku Iten asan Kitungan d’onglen akkaridae. Aparamangtan do jznjzndage ate, a mukkadaman batte Kitungan agabdelaiten asan, Anin d’onglen sedale a mandranji adeben asan. Anlen Anin ate do Anin Kitungle.

Mojes gamete Israel maranji a d’ong: “Iten asan gamlenden amben Gamang Kitung-ben apsele bo marid maranji. Ordar lingan a kuddub mandranji amang linganji saring d’ong-ben Anindam a tanartum bittin a deben asan Gamang Kitung-ben sedabenten. (Bagujuanaber 7:6).

Anab-bagu-lingan, Kitungan d’ong-ben akkaridae gamlenden Anin amihaman batte hiyaiten. Kan ate surda tanimhiman asan, Anin ruangan saring ordaran labsolai, aboi lagad badloyim-mar ambrij. Akapparda-lingan arakadangan tumbedle, boi boi kanalkalan batte Jirusalem tagor-lingan halen. Danusalenji asan Anin kadhidle do duaihle asan tanurtulan dele. Kan dijne atanimhiman absuilen asan yangam karidae?

Bibolan akznoltaben adnang, yangam Kitungan Epriyom a d’ong ahimle, etigoi gijtabe. “E Eprayim, Hen yan gamle d’ong-nam umdrengam? E Israel, Hen yan gamle d’ong-nam surpidam? Hen yan gamle d’ong-nam Adama ambrij abmean? Hen yan gamle d’ong-nam Jeboim ambrij abs’zdam? J’e-Hen mang-ling-Hen kalai bilaige detih; aman apsele asuyem-Hen hamang alangtudge dzten. (Osea 11:8).

Tanahimdam Kitungan a onagji, Anin angaja akkaridae. Do Anin ayaman ambrij kuddub banangsanji appaitai. Gamangtungan ahimlingan kuddub sari abmete. Do Anin absittate awrloge do amben angaja agaran orde adnogandead.

Okiy Kinolbe absele: “Ahim-Hen batte anadhiman delen a dile mandran a d’ong urungai, ganugu-Hen asan Hen aninji a d’ong gabdelai; Hen aninji a d’ong gardzlai, Hen aninji a d’ong sabjalai” (Jisaya 43:7).