Oct 29 – SWARGAGI OIBA CHAPHU SABA AMADI PATRASING!

“Natraga leitan matum amatadagi maru oiba thabakta sijinnaba , nattraga icham chamba thabak sijinnaba chaphu   sananaba chaphu  sabana leitangi mathakta matik leiba nattra??” (Romans 9:21).

Eikhoina Iswargi asengba misinggi wari asi thijillu ba matamda makhoi asi Iswargi thoujalna  wangna thanggattriba mamangda makhoi asi ningba kairaba misaksing ayamba oigalli. Kaihanjaba   punshiga loinana eikhoina Iswarda katthokpa matamda Iswarna eikhoibu ikaikhumnaba yaba patra oina sembigani.

Mahakki macha katthoklo haina yathang phangba matamda Abraham adu kaya matik thamoi kairamgani. Isaac bu iratpot oina katthokpa mapham tanna numit humni chatpada mahak kaya matik thamoi soklamgani! Aduk nungaitaba lambida Iswarna mahakpu karigi chingbiribano? Hoi. Maram atei leite. Mahakpu ikaikhumnaba yaba patra ama oina sembiningbagini.

Jobki punshisu aduga chap mannei. Yum turaga, machasing mi tara siba matamda  mahak kaya matik thamoi kairamgani. Mahakki lanthum amadi sa sansing mangbaduna yamna kahenna akaibadi thoktribani.Adubu thoudok  amada machasing loinamak sikhiba haibadi kaya matik awabano?  Masida mahakki  cheina amadi  awa ana adu loiba natte.

Mahakna  makha tana hakchangda apatpa amadi dakpham kayaga loinana awaba nangkhi. Iswarna asuk waraba matam aduda lamjingbikhi.Iswarna Job pu kaihanjabagi maramda para  tambikhi. Adubu asigumlaba changyenggi matam asida Jobna sana gumna maipaklaga thorakkhi.  Mahakna Bible gi manungda mingchat aphaba phangle.

Iswarna kanagumba mi amabu ikaikhumnaba yaba patra oina semge haiba matamda mahakna mahakpu   awa ana thengnahallaga  mahakpu    sengdokpi. Chaphu saba mina leibaktagi chaphu saba yai. U suba mina upu kangthon chanba yai. Adubu  Iswarna semkhraba patrasing asibu kari koubage? Madu kari su natte.  Ikaikhumnaba yaba   patra aduni.(Romans 9:23).

Swargagi oiba chaphu saba aduna saba chaphu sing adu Iswargi thoujal marang kaibagini. Matik chadaba mising phaodasu Iswarna nungshiba amadi thoujal asi utpiduna thoujan gi patrasing oihanbire. Mahakna Iswargi oiba thoujan asi makhoida masing thiba ngamdaba makhei heithabire aduga thoujan su hengat  halli.

Nungshiba Iswargi machasing, swargagi oiba chaphu saba aduna nahakpu thoujan gi patra oina semba pammi aduga sijinnaba su pammi. Awa ana khanggadaba adu kiganu adubu Iswarda katthokhro aduga mahakki pandam thunghannaba pisinjaro.

Dhyan tougadaba : ‘aduga   wahei aduna sayollaktuna eikhoigi irakta leibirare,aduga thoujan amsung achumbana pik thanduna mapadagi amata ngairaba machagi oiba matik mangan , haibadi mahakki matik mangan adu eikhoina ujare.” (John 1:14, 16).