Oct 28 – ADLZNGA, ABPUANGNA!

“Anten asan Anin gamte, E dimadten a mandra, adlznga, do karahid maranji amang saring dzna, bar Kristun abpuangtam” (Episi 5:14).

Nami anlen bayale alumben dete. bayale alumtabe adnang adzmadnaben detepo? Nami na ayaman adlzngle abpuannaben dete Kitungan abmele. Ijapo? Bibolan d’ongle gamte, “adlznga, butente adzmadlen amandranji, dznaba karahidan saring,”

Nami, anteng sarebasingan adzmad daku. saregoi lanuman adlumenji asan. Sonuman dzmadna gamte, do derna buhanganji do tonanji hangan ayamling dzmadlen dakutenji. Cinema gijgijle aninji kanurkur deteji.

Daudo edalen garberneten, “E Gamng Kitung-hen, d’ong-hen gijih do jalangih; m’od-hen abt’ara, ijjaden hen karahid darimadna lingan dimadtenai” (Sanenken 13:3). Kan ambrij amben agarbertenpo?

Samson adzmadneten janang ate agalamba. Ajardina, anin Kitungan aboantan dakule, anin Kitungan batte sanedan dele do anin mananimar dakule. Israel maranji a d’ong a bitsaraben asan dakule. Bindo, kuddub banangsa-lingan, jundarn augaran hamle a j’elengan. Anin Dolilha a d’ong sandungle.

Bibolan gamte, “Dolila a d’ongan a dimadnaben asan anin a bulu lingan tabmueten a tiki anin bo mandran a d’ong gudingle do a b’ob lingan a gulji gzdna-u’un anin kanungan batte k’ungeten. Kun ayam Samson a ranaptin anin amangban saring dunglen yereten asan Dolila anin a d’ong puyingeten” (Bitsara 16:19). Anin, ayengan Kitungan abmele abdele do apuangben dakule, atugargod-lingan anin galule.

Eliya a dzmadna a gijgijba. Yan aranapti Kitungan tumadgijmar dakule, anin! Anin sattang dakule Bal-a tumadgijmarji adanzsam unji soa do bakurdi-galji do absuile Gamangtunganna Kitungan.

Bindo, anin kanalkal-lingan galule. Jano neban dzmadneten. Bindo, Kitungan ijaja alumben abaihad. Pisirdianji apaile Kitungan ranaptin tiyle do gamle anabhanam boi boi surdadam dakule. Angante Kitungan abmele itente alumben dakuleden, adzmad-dongne.

Jona abmele agijba angante dzmadneten. Bara-abmele ogandele anindaman abjatadamneten. Bogad anin Nineveh yiretenden Kitungan aberna manele, anin pede anteng mandranji hangte-badeih-ben. Kitungan a d’ong er-manilabe dzmadneten. Tanahimdam Kitungan a onagji, Kitungan abmele adlzngba do abpuangnaba.

Kinolbe absele: “E Simon, aman dimadle po? Bo gontan sikkoi ja adarmad rapti addakune po? Yante gamle tanungjeng lingan amben aggalue, kun apsele adarmad garbernaba” (Mark 14:37, 38).