Oct 27 – DILE DARAKUNA!

“…angante kan a baru lingan orde Jirusalem lingan amben U’an a d’ong absenpwrre, kun ayaman ardutai” (Jon 4:21).

Kan ate ayaman ardulai ogajanang saring Kitungan a d’ong asenkzndraben abmele. Papwr Anosaij-lingan, bo-maneng dakule sanepwrbaran alumben abmele. Jajzngante Israel maranji Samaria baruba sanenpwrbaran lumleji. Jirusalen asarebas’ing-lingan. sanenpwran abmele ayaman danaku dakule kun ambrij aninji lumleji.

Tabme-Anosaij-lingan gijtabe, Kitungan ayaman abdakuad sanenpwranji abmele. Anin iten gameten aberna gamlenden yangam senpwrben dete. yangam senpwrben dete? anlen asenpwrben dete barij Janggardan batte, Janardin do Kuddub ugaran do J’elen batte. Kanina ate Jznjzn murdam.

Papwr-Anosaij-linga, Isarel maran sarebasing-lingan lumleji. Aninji Jirusalem sarebasing-lingan kundaijan dakule do Kitungan a d’ong karidaleji. Kun asan Kitungan abs’iedle.

Kitungle sarebas’in-lingan adakune s’ilen batte ganabdelan adelen ate. bibolan gamte, “Amben Kitungan a sarebasingan, do Kitungan a Janggardan mang-ling-ben dakuten, antate amben aggalame po?” (1 Korintia 3:16).

Anlenna Kitungan asarebasingan. Itente anlen garbertenben Janggardan do Janardin batte. Kitungan ogajanang saring agankelben abmele anordin tiyaten. Anappai Pol edolle, “Yante gamle dile darakuna lingan onggeranji er barablabe do er arbadelabe marid s’inji teredsile garberteji, antate itsum-hen daku” (1 Timoti 2:8). Ogandiba ‘dile darakuna’ a berna. Yan alanga Kitungan aberna ‘ayaman yirtai Kitungan a d’ong asenpwrben dile darakuna’ kan ate ojoraite!

Jisu Kristun a d’ong gijgijba. Garbernabe apsele endrang s’arren adnang Jisun dzan dzlen dungneten (Mark 1:35). Anin kandrzngban ansadamlen garbereten (Luk 5:16). Anin baruban yirre garberneten (Luk 6:12). Gatsemani dudiba garberneten (Luk 22:44).

Kitungan aitsuman anlen agarbernaben dete. Janrdin do Janggardan batte agarbernaben dete. bute bute ate labyu-ling garbertenji (Hanagod 12:27). Bute bute ate tiredbab lingan garbertenji (Lebi 9:22, Luk 24:50). Bute bute ate ruangba gijgijle garbertenji (Sanenken 25:15, Anappai 7:55). Bute bute ate turkurdwbeten garbertenji (Aparamangtan 17:3, Luk 17:16).

Tanahimdam Kitungan a onagji, amben yangam do uan saring agarberten kun murdated. Bindo, derna, Janggardan do Janardin batte garbernaben dete. anlen garbernaben dete derna do marid j’e-en batte.

Kinolbe absele: “Anten asan barij Kitung-gangkilan do ranoitadan batte yante gamle anlen sanabyu do erabmuij mandrengnan rapti abhanatai, kun asan Kuddub mandranji apsele” (1 Timoti 2:1).