Oct 25 – NAMI SIKKOI JA DO NAMI SARING!

“Kan a tiki Samuel Mispa do Sen a tarangdi lingan aboi arengan pangan pangle swbeten do antate Ebenejer, gamle anin adhimeten, Do anin gamten, Nami sikkoi ja Gamangtungan saiyamlalen” (1 Samuel 7:12).

Nami Sikkoi ja, Gamangtungan sayamlangten. Nami Sikkoi ja asuyuman mangling-len daku. Engale raja-ontidan aonanji arengen-lingan bangsale dakute kun ambrij, Kitungan sagalle akapparda-lingan dakulangten enganle arakadang-lingan pangdamneten. Tanahimdam Kitungan a onagji, amben j’elenben surda sanensenan barij gamle dakuben dete.

Kun adenna, Samuel a j’elen man’oihan barij dele. Anin m’oih-ling do erdikalen Kitungan a d’ong abgugule. Anin aboi arengan pangle do dakule gameten, ‘Nami Sikkoi ja Kitungan sayamlelen.’ Anin adhimle ‘Ebenejer.’ Kun a denna saring, ‘Ebenejer’ ahiman aboi Kitungan ahiman dele. Kan ahim agaramgam ‘Kitungan sayamlelen.’

Angante anlen gamtabe, ‘Nami Sikkoi ja Kitungan sayamlelen, Anin na Ebenejer’ do abguguba, j’elenben man’oihan barij dete. kun ayamlen, dernabe ‘Nami Sikkoi ja Kitungan sayamlangte do ariytaih adenna-ling ja sayamlangten’ abdainalangte. U’u. Anin na Ebenejer Nami Sikkoi ja bar alagudena-lingan Immanuel Anin na.

Raja Daudo Kitungan a d’ong gijle Ebenejer do Immanuel ambrij. Anin Kitungan amangba gijgijle gamete, “Hen buten E Kitung? Do s’inghen uan daku, Aman urulih sagaidam? Do kan ate aboi sannadam ganiygijlenam, E Kitung; Aman oblingle boantanam a s’in-ling bo surda ayirtaih abmele. Kanina po ate mandran abmele, E Kitung?” (2 Samuel 7:18,19).

Raja adelen atiki, Daudo sanensenan batte kuddub baranji alumle ate Kitungan asanayam batte gamle Ebenejer. Anin ogandele agupaneten adnang Kitungan yangam sayamle; yangam s’iokzdan saring yangam sagalle do saluanji do Goliat saring janang; bar Anin yangam tagorle dainamarge. Anin aderna dakule Kitungan ayirtaih adenan-lingan janang sayamlangte gamle. Kuddub baranji abmele anin Kitungan a d’ong man’oihan batte abgugule senkznraeten Kuddub baranji Kitungan lumte gamle alagu dena-linganji.

Tanahimdam Kitungan a onagji, sanensenan batte Kitungan a d’ong ayimben dete, asanayam, asanagalan do rabrable, erang agalame abmang. Nami Kitungan amandranji amben. Anin sagaltaben do atanakudan sikoija tagortabe.

Kinolbe absele: “Aman kan boanta-nam a d’ong itente kuddub asuyeman do kuddub dernan apsuile, hen kuni lingan hangben tungna ted. Iten asan gamlenden danggudam-hen maih dongsile, kan a alon padlai bindo nami hen bagu patsardi delai” (Aparamangtan 32:10).