Oct 24 – BOGAD GAMANGTUNGAN ANLEN AMPARA DAKUNETENDEN!

“…bogad Gamangtungan anlen ampara dakunetenden etteden iten asan anlen apsele kan a kudduban tanangadan dete? ” (Bitsara 6:13).

Berna gijtabe ‘bogad’ bibolan-lingan ateng manengba gijlabe. Kan ate aboi danalgadan aberna ate gijtabe, itente abernalingan do bangsa bernalingan kan ambrij.

Anlen gijtabe: ‘Bogad Kitungan d’ong-len…(Romi 8:31). Bogad Gamangtungan anlen ampara m’oihlenden (Danisam 14:8). Bogad Gamangtungan anlen ampara dakulenden…’ (Bitsara 6:13). Anappai Pol aogandiben susule kan ambrij aidolben abmele ‘Bogad Kitungan d’ong-len’ do yan asanittan kan ate!

Bogad Kitungan anlen ampara dakulenden, butenden beramarlen? Raja Daudo, buten ogandile, ‘bogad Gamangtungan anlen ampara dakulenden’ etigoi gamle dakuneten, “Ayengan a bera maranji hen a yaryar maneng ajar ajar dakutenji, aninji a d’ong hen abbantongai” (Sanenken 3:6).

Abakkuk janang ogandile kan aberna ‘Bogad Gamangtungan anlen ampara dakulenden’ do gamle, “Lua nebanji adr’ale janang den do drakiya lanam linganji j’on adj’ole janang den, do gunggu lingan maranda-medan agassa janang den, do gunggu lingan maranda-tangan agssa janang den, dele janang Gamangtung lingan hen m’oihtenai do Anablu Kitung-hen amang lingan erdikatenai” (Abakkuk 3:17,18). Gideon janang kan ambrij ogandile do gamle, “…bogad Gamangtungan anlen ampara dakunetenden etteden iten asan anlen apsele kan a kudduban tanangadan dete? ” (Bitsara 6:13).

Kitungan gamete, “Bar gija, Hen aman ampara daku, bar aman ayengan a darakunaban itte, kun kuddub darakuna lingan Hen d’ong-nam rabrabtam do okij kan a desaban urungtam. Iten asan gamlenden Hen itente d’ong-nam opunglai, antate andrang ojoraien sikkoi ja Hen adnumdrengam” (Aparamangtan 28:15). Kitungan janang gamete, “Hen aman ampara yerte do d’ong-nam lulunan tiytai” (Hanagod 33:14).

“Angante amben bera mar-benji asanggem lingan a sanunaben a yerte, do amben saring aninji ateng kurtanji do sanu gardikuranji do ateng sanu maranji a d’ong amben a gijte, seletten aninji apsele amben a bantongdong; Iten asan gamlenden ayengan a Gamang Kitung-ben Misor desan saring d’ong-ben urungbenten, Anin amben ampara daku” (Bagujuanaber 20:1). “Angante aman d’a lingan sanle padle yerte, seletten Hen aman ampara dakutenai do angante aman alonji a tarangdi sanle yerte seletten kuni d’ong-nam adnabtabubam; angante aman togin a tarangdi hale yerte seletten aman janumtudan adde-e d hamang alangtudan d’ong-nam jumle adnabkumabam” (Jisaya 43:20.

Tanahimdam Kitungan a onagji, Kitungan dile tordong amben ampara dakuten. Ogajanang ayirenden, Anin amben ampara dakuten. Kun abmele akaridadong. Abgugule derlen dakunaba Anin amben amparadakuten.

Kinolbe absele: “…anta kuddub bernan aninji a manneben asan hanghangbaji, bar gijba kan ordaran ayaman atanakkudan sikkoi ja tordong ayam amben ampara Hen dakutenai” (Mattiu 28:20).