Oct 25 – Dur tok aru itya pora!

1 Samuel 7:12 itu pchete Samuel ekta pathor loikene Mizpah aru Shen laga majote rakhi dise aru koise, “iman tok Jehovah amikhan ke modot korise.”

Iman tok Isor apuni khan laga modot kuri ase. Iman tok tai apuni khan ke tai laga khemai dikhai di ase. Ekta chil tai laga chutu khan ke tai laga pankha te bachai kene uthai itu nishina hi, Isor bi apuni kkhan ke tai laga kandha uthai jitu tai krus tak loi jaishe. Oh Isor laga bacha khan, ahobole dibi apuni khan laga mon bhorta dhonyabad pora itu homoi te.

Utu din Samuel laga mon bhorta hoishe. Tai laga mon khushi pora isor laga mahima kurishe. Tai ekta pathor rakhi kene koishe, “iman tok Jehovah amikhan ke modot kurshe” aru tai itu ke nam dishe ‘Ebenezer’ Isor laga utu din pora aru ekta naam. Itu naam laga motlob ase, ‘Isor jun hi amikhan ke modot kure’.

Jitya apauni koi, “iman tok Isor amikhan ke modot kurishe’ aru tai laga naam uncha kure, apuni laga mon bi khushi pora bhorta hobo. Aru utu homoi te hi Biswas bi uthibo ki, “iman tok Isor amikhan ke modot kurishe aru age laga din te bi amikhan ke modot kuribo.” Hoi, Isor jun hi Ebenezer thakkishe tai hi age jai kene Immanuel bi hoishe.

Raja David dikhishe Isor ke Ebenezer aru Immanuel nishina. Tai upor te Isor ke sai kene koishe, “kun ase ami Oh Isor Jehovah? Aru kote ami laga ghor ase, apuni ami ke iman dur tak anishe? Aru itu apuni laga suku te iman chutu kotha, oh Isor Jehovah; aru apuni apuni laga naukar laga ghor ke bi koishe dangor hobole laga. Itu manu laga adot ase, oh Isor Jehovah? 2 Samuel 7:18,19

Iman dangor ekta Raja hoi kene bi, david tu bhabna kurishe sob rasta khanke jote Isor taike rasta dikhai thakishe Ebenezer hoi kene. Tai Isor ke bhabna kurishe kinika tai charwaha kuri thaka homoi te bi Isor tai logote thakishe aru kinika tai jongol laga janwar khan pora bi taike bachai thake aru Goliath pora bi bachaishe; aru kinika taike jitia laga rasta te loi jaishe. Tai Biswas kure ki Isor pora hi taike rasta dikhabo aha laga din te bi. Khushi hoi kene tai Isor laga naam uncha kurishe tai sob Isor pora tai nimite kuri diya karone.

Oh Isor laga bacha khan, bhabna kuribi khushi hoi kene kinika Isor pora khemai kurishe, bachai she aru rasta dikhai she apuni tai ke najana homoi te bi. Aji apuni khan Isor laga bacha ase. Tai pora hi apuni khan ke bachabo aru rasta dikhai thakibo apuni khan namura homoi tok.

Aji bhana kuribole laga pobitro kotha tu hoile genesis 32:10 ami tu iku laga bi hakdar nahoi jjitu apuni amike khemai diya aru sob hosa khan dikhai dishe apuni laga naukar ke; ami itu Jordan par kurishe ami lga manu khan logote, aru itya amikhan du bhag hoishe.’