Oct 24 – Judi Pormeshwor ami khan logote ase!

Judges 6: 13 Gideon taike koise, “oh Malik, ami janibole mon ase, Jehovah amikhan logote ase koile kile amikhan logote inika hoi ase?

Itu kotha, ‘jodi’ tu bishi bar pobitro kotha te dikhi pai. Itu pora ekta Biswas nathaka laga bhabna dihai, hoshiyar kora aru utsah bi dikhai.

Ami khan pore Romans 8;31 jodi Isor amikhan logote ase koile kun amikhan laga khilaf te khara kuribo paribo? numbers 14:8 jodi Isor amikhan logote khushi ase koile, tai amikhan ke tate loi jabo loijabo aru utu dhoni aru mol thakia desh amikhan ke dibo. Judges 6:13 Gideon taike koise, “oh Malik, ami janibole mon ase, Jehovah amikhan logote ase koile kile amikhan logote inika hoi ase?

Jodi Isor ami logote ase toh kun ami laga khilaf te khara kuribo paribo. Raja Davi jun hi bhabna kurishe,”Jodi Isor ami logote ase” aru narukhi kene koi, ‘ami bhoi nakhabo itu dos hazar manu pora jun hi ami ke gherau kori kene khara hoi ase. Psalms 3:6

Habakkuk 3:17,18 dimoru gaste dimoru guti nathakilebi aru angur bagan te angur nathakile bi, jolphai gaste jolphai nathakile bi aru dhan hobole naparile bi, sob bhera chaguli khan mori jaile bi aru janwar thakia ghor khan khali thakile bi, ami mon khushi pora thakibo, kile koile Pormeshwor Jehovah amike modot kuribo. Gideon bi itu hi bhabna kurikene koishe Judges 6:13 te

Genesis 28:15 hunibi, apuni jun jagate jailebi ami apuni logote thakibo aru ami apunike bachaikene rakhibo , aru ami apuni ke itu deshte wapaas anibo.  Exodus 33;14 Jehovah koise, “ami apunikhan logote jabo aru ami apunikhan ke jitibole dibo.”

Apuni khan jitya bi judho te jabo apuni khan laga dushman logote, tate bishi ghora aru hatyar khan dikhi kene bhoi nakhabi aru tai khan laga mnu bishi ase koi kene mon chutu nahobi, apuni khan laga Isor apuni khan logote hi ase jun hi apuni khan ke Egypt laga desh pora anishe. Deuteronomy 20:1. Jitya apuni khan pani par kuribo, nodikhan par kuribo, tai khan apuni laga uporte ahibole naparibo. Jitya apuni jui laga rasta te birabo, apuni khan najuli bo, aru itu pora apuni khan ke kala dag bi dibole naparibo Isaiah 43: 2

Oh Isor laga bacha khan, Isor tu hodai apuni khan logote ase. Apuni khan jote bi jai tai apunni khan logote hi thake, itukitya bi napahoribi. Isor lagan am uncha kuribi tai laga kosom khan ami khan ke diya tu bhabna kuri kene, jitya tai apuni khan ke koi apuni khan logote thakibo

Aji bhabna kuribole laga pobitro kotha tu hoile Matt 28:20 aru ami apuni khan ke ki ki hikaishe tai khan ke itu khan sob hikabi . aru ami apuni khan logote sob homoi te thakibo.