Oct 23 – Purana manu aru notun manu!

Collosians 3:10 aru ekta notun manu hoi kene ahishe. Itu notun manu ke Isor laga sob bhal khan dihabole nimite apuni khan cholai ase.

Kunuba puka khan tug has te dihi pai pata khai thaka. Itu puka khan tu ini nohoi hoilebi butterfly hua laga puka khan ase. Tai khan tu pata tu khai thake aru dangor hoi thake. Aru ekta hmoi te tai khan nahila hoi jai hoilebi itu homoi olop din tok thaki kene tai butterfly boni kene uri jai.

Ami khan laga jibon te bi duita bhag ase. Ekta biswasi jun hi notun jibo pai. Ekta tu hoile purana ase aru ekta tu hoile notun ase.

Apuni khan tu purana jibon te ase Adam nishina hoilebi ekta notun jibon hoi Krista logote tu. Pobitro kotha Romans chap 6, Ephesians chap 4 aru  Collosians chap 3 te tinta kotha jun tu apuni khan manu bo lage itu dikhi pai.

1. Purana manu tu crucify hobo lage (Romans 6:6) purana manu tu hoile Adam ase, jun hi pap laga adot khan thakishe. nijor laga pap khan kora karone pap swikar kura is itu purana manu ke crucify kura laga motlob ase. 1John 1:7 apuni khan laga sob pap khan Jisu Krista logote jai jaishe, toh tai laga khun pora hi apuni ke sapha kure.
2. Purana manu ke hatai dibo lage (Collosians 3:9 Pobitro kotha te koi ki itu purana manu aru tai laga adot khan tu hatai dibo lage. Ekta butterfly juntu puka pora bodli hoi kene ulai tai tu tai laga purana adot khan tu naloi hoilebi ekta notun jibon loi kene ure. Itu nishina hi apuni khan bi sob biya adot khan tu chari kene Isor laga notun adot apuni laga jibon te pabole kuchis kuribi.
3. Notun manu ke lagabi (Ephesians 4:24) Ekjon manu tu tai laga purana adot tu charibo naparibo jitya tok tai notun adot tu jibon te anibole naparibo notun manu hobole nimite. Krista laga adot hi apuni kea kh barhibole dibi. Pobitro kotha te koi Ephesians 4:24 apuni khan nije ke notun banabole lage, juntu Isor nisina ase aru tai nisina pobitro aru hosa hbo lage.

Aji bhabna kuribole laga  pobitro kotha tu hoile Ephesians 3:14,16 titia ami khan baccha nisina nahobo, thoga baji anu khan laga huni kene mon chutu nahobo, junkhan chalak khili kene amikhan ke galti kuribole di  thake. Tai ke dhuri ken ease koi kene hi gau laga dusra bhag khan iki logote ase, itu nimite, jitya gau laga dusra bhag khan thik pora kam kuri ase, pura gau morom loi kene uthi ase.