Oct 23 – PAPWRMARAN DO TABMEMARAN!

“…tabme taramtaman a rotudlen. Kun tabme taramtaman a Gabdeltungan a tam zlnan ambrij ganalam lingan rong sanabjan dete” (Kolossi 3:10).

Jajzngante bubudanji dakute tabme olanji ajidjid. Kan ate osengdage abubudanjited bind bo denna kun ate konkordin gadelte. Kan abubdanji kun olanji jumle marangteji do patadteji. Kun ayamling, aninji tedling dakutenji ateng dena sikoija. Abumung, bo denan kan ate konkordin gadelte do langaloge enleyirte.

Mandrengna janang kan ambrij aganadelan, bindo bagu tara dakute papparanji do konkonrdin. Aboi mandrengna ate papparanji do anab-bagu mandrengna ate konkordinji. Kan ambrij anlen mandrengnale janang. Abo ate papwrmaran do anab-bagu ate tabme-maran banandan.

Anlen Adam ambrij dakulai do Kristun batte tabme gadelai. Bibolan lingan Romi 6 a surdan, Episi 4 a surdan do Kolosi 3 a urdan lingan yagi murda bernanji anlen agalamben dete.

I PAPWR-MARAN ARAKADDANG LINGAN ANAMDAIJAN DELE (Romi 6:6).Kan papwr-maran ate Adam, ayengan amandran pintu-lingan barij dakule. Asusuna-lingan anin pintu-lingan galule, apingbaben do akaridaben asan papwr-maran arakadang-lingan anamdajan dele. Kuddub pituleji do erselenji Jisu Kristun batte arakadang-lingan anamdajan dele do anten asan amihaman batte ganiydan do manaridan delai (1Jon 1:7).

II PAPWR-MARAN A TARAMTAMAN A UMDRENGBEN DETE (Kolossi 3:9).Bibolan gamte papwrmaran abaranji do ataramtamanji umdrengben dete. Engale konkordin bananda dele kuddub ataramtamanji saring, abamang bubu mandrengna do ataramtaman awrle do engle tabme ganadelan ambrij. Kun ambrij, amben janang pituben aumdrengben dete do Kitungan ataramtaman ajaben dete etente lanankaban saring yirtai.

III TABME-MAR-LINGAN DAKUNABA (Episi 4:24).Papwr taramtaman umdrengle tabme taramtaman-lingan Kristu batte tabme maradeben dete. Kristu taramtaman manglingben dakunaben dete. Kristun aranaptin batte hanaba. Bibolan gamte, “…. bar rong taramtam ranotudge rotudnaba. Antate Kitungan ambrij ranoitadan bar janardin a manarid lingan ganabdelan dele.” (Episi 4:24).

Kinolbe absele: “Kan a garamgaman asan hen U’an amangban turdumtai, yante gamle Anin a ganugu panemengan a tam bittin ambrij d’ong-ben Anin a Janggardan batte a l’ungan a mandra lingan ranaptin batte anabradun a deben asan tiytaben” (Episi 3:14,16).