Oct 22 – Mahima aru Sonman!

Hebrews 2:9Hoilebi amikhan Jisu ke dihai dis ease,jun olop homoi nimite duth khan pora niche ahise;itu kori kene tai Isor laga ashish pora sob manu khan ni ite morise. Tai iman dukh pora morise nimite koi kene itya amikhan taike mathate topi nisina asish aru sonman loi kene thakia dikhiase.

Jisu Krista pora mora tu Kruste janishe. Tai khali mora laga bhoi tu jana nahoi hoilebi icha kurishe amikhan ke, tai laga bacha khan ke itu khan sob pora alag rakhibole.

Ekta dhon manu thakishe. tai jibon tu nijor laga khushi aru prithibi laga icha te hi thakishe. ek rati jitya tai ghumai thakishe, tai ekta awaz hunishe, “ekta dhon man utu kali phujur 6 baji te muribole ase”.

Itu man utu boi lagi kene uthishe. Tai kapi kene tailaga maiki ke bi uthai dishe aru koishe, “ami bhoi lagai ase. Ami kan pora hunishe  ekta awaz koi thaka ki ekta dhon manu muribole ase. Ami tu kali phujor te muribole ase.” Tai laga maiki pora koishe ki itu sapna hi ase aru ghumai jabole dishe.

Hoilebi itu dhon manu gumabole paranai. Tai tai laga doctors khan ke phone kurishe phujor te joldi ahibole aru itu nishina hi tai laga doctors khan joldi phujor te ahishe. Taikhan taike bhal pora checkup kurishe aru koishe ki apuni tu thik hi ase. Apuni laga mon bi thik hi chuli ase. Apuni ke iku bi biya nahobo. Morom pora ghumabi inika koi kene jai jaishe.

Hoilebi itu pichete tai chinta kuribole shuru hoishe. Aru mon duhk kurishe, ki kitya 6 bajibo? Kitya ami muribo? Jitya 6 bajishe tai laga ekta bura  aru bhal naukar ahi kene koishe, “Sir ami  laga bhal Isor ami ke mati ase. Goodbye.” Inika koi kene tai nijor laga bisna te jai jaishe aru ghuma logot muri jaishe.

Itu dhon manu bhabna kuribole shuru hoishe. Utu din tai janishe, “ami toh bishi dhon manu ase prithibi laga suku te, hoilebi kiman bi dhon ase ami laga naukar tu jun Isor laga suku te dhon ase! Kiman bi kimti ase tai laga mukti tu aru kiman shanti tai thake! Itu homoi pora itu dhon man utu tai laga jibon laga mulya tu bujibole parishe aru tai mukti laga rasta bisaribole shuru hoishe.

Oh Isor laga bacha khan, apunikhan tu saman  aru poisa laga dhon pora dukhiya hobo pare, napora nalikha hobo pare aru ekta mamuli manu hobo pare itu prithibi te, hoilebi Isor laga suku te tu apuni bishi dhon thaka manu ase. Tai apuni ke bishi dhon, sompoti aru saman khan thaka aru ashirbad thaka laga manu hi dikhi pai.

Aji bhabna kuribole laga pobitro kotha tu hoile 1 Cor 15:57 hoilebi Jehovah ke dhonyobad ase, jun amikhan laga malik Jisu Krista ke pathaikene amikhan ke jitai dishe.