Oct 22 – GANUGU DO PANEMENGAN!

“Bindo asui ayaman sikkoi ja pisirdianji saring anabjaitan a delen a Jisun a d’ong karahidan a satid samoihan asan gugu panemeng t’aran do panemengan batte ranubbob delenate anlen gijtabe, yante gamle Anin Kitungan asuyeman batte dile mandran a panardun karahidan rapti maijmaijte” (Ebri 2:9).

Jisu Kristun karahidan maimaile arakadang-lingan. Anin sattang abmaimaiyad banatongan do arabasudan akarahidan bindo d’ongle a passijanji ambrij dakule abluaiten.

Bo gamangmaran dakule. Anin a itsuman ambrij mengle erdkale ordardage taramtaman ambrij. Bo togal, angante anin dimadneten, anin sandrangan amdangle, “E gamang mar aman kahidtam 6 gongtan ayam biyo.”

Kun mandran banantongan batte dimadnan saring dilen. Adukarin a d’ong janang tartarle do yuryurd’ongan batte gamete, “Hen bangtongtai. Hen bo sandrangan amdanglai do gamangmaran kaidte. Hen kahidtih biyo tagalda.” Adukkari gamle kan ate sakaited dimadna maih.

Bindo gamang maran adimadaed. Anin doctoran a d’ong phonle yirai gamle as’inba do kun ambrij rahil tagalda toctoran yiraiten. Anin rumangdaleji kuddub regaman batte ayiraitenan ate gijagijle do gamle, “Aman radudam. Ugarnam sarigoi baraten. Iteja adeam. Abayem gamle dimadna.” Kan ambrij gamle aninji yirleji.

Bindo, kan atiki, anin etigoi ogandile dakuneten. Anin edaneten, “Agan 6 gontate? Agan Hen kahidteih?” angante 6 gontale, bo buhangan aboantan yirrai do gamle, “Agya, Kitunghen gudingtih. Yirte.” Gamle yireten, anin eaten dimadne do a pwrardan umdrengeten.

Kun gamang maran ogandile. Kun adenan anin ayimle himdamneten, “Hen gamangmar delih ordarlingan. Bindo yan agamangmar boantahen Kitungan atimanglen! Yan asurda do abangsa anablu Kitungdage asanabyun anin amang-lingan dakule do Kitungdage amandrengna dakule! Kun batte anablu mandrengna tagorle.

Tanahimdam Kitungan a onagji, amben pede lebu-lingan banaggedam, banaggedam do osengmaran ambrij ordar-lingan, bindo Kitungan aganijgij-ling amben handrangdam. Anin aganijgij-lingan amben gamangdam, radudam do erahid anabsittan ahangte.

Kinolbe absele: “…Jisu Kristu Gamangtung-len batte dainan tiytiylangten, Anin a d’ong sanensenan de-ete” (1 Korintia 15:57).