Oct 18 – Jibon aru ashirbaad!

John 10:10 chorkhan maribole, morabole aru biya kuribole hi ahe. Apuni ke jibon dibole nimite hi ami ahise, bhal jibon dibole nimite.

Aji duita dagor Shakti ekjon ekjon ke jhujhe. Ekta tu Prabhu laga Shakti aru ekta tu satan laga Shakti. Pobitro kotha te kopi satan tu chor ase. Jonh 10;10 chorkhan maribole, morabole aru biya kuribole hi ahe. Apuni ke jibon dibole nimite hi ami ahise, bhal jibon dibole nimite.

Bishi sal agote ekta pastor Australia te ministry kuri thakishe tagot pora. Utu homoi te biya hoi kene tate manu bishui mori jaishe. Itu bimar laga iku ilaja thakanai aru dawai bi thakanai, doctor khan bi ikku najana hoishe.

40 jon manu utu pastor laga girja laga bi morishe utu bimar pora. Utu pastor laga mon bishi bikhaishe. Tai kandi kene koishe, “Isor apuni ki ami laga sob biswasi khan itu bimar pora hi morai dibo?” kile apuni itu kuri ase?

Pobitro atma pora taike koishe, ‘Jisu Krista bhal kam kuri thakishe.  tai bimar khan ke changai kurishe, aru jun khan ke satan pora bandhi kene thakishe tai khan ke churaishe.’ Acts 10:38. Tai pora verse bi dikhai dishe ki Isor tu ahishe kile koile manu khan ke jibon dibole.

Itu huni kene pastor laga suku khulise aru buji she ki satjna hi shrap ase ji pora bimar aru mora ane. Tai tu suku jula laga atma ase. Tai sida thaki kenesatan logote jujhibole khara kurise. Tai thik pora Isor laga kosom dhuri kenesatan ke jitibole parishe jun hi mora laga  shuru kure.

Tai jitya prathana kuribole tai jaishe, bimar laga tagot tu komti hoi jaishe. Itu bimar pora manu mora tu hoile rukhi jaishe hoile bi tai prathana kura tu bon kura nai. tai pora satan ke challenge kurishe, ‘apuni ki hok ase ami laga bhera khan k echini lobule? Aru itu pora hi tai tai laga sob biswasi khan ke girja te ani kene Isor laga morom pora bandhi loishe. Itu homoi pora biswasi khan bi prathana kuribole  shuru kurishe, Isor laga kosom tu dhuri kene jiti bo parishe. Aru itu biya bimanr tu khotom hoishe.

Kitya bi mon dukh nakuribi jitya bimar, dukh, garibi aru dhar khan ahe.isor ke dosh nadibi. Isor laga kosom logote, apuni laga Biswas bi tan pora dhuribi, ji pora hi sob biya khan khotom kuri dibo. Oh Isor laga bacha khan, bhui nakuribi. Isor jun hi adbhut ase apuni khan laga majote kharakuri ken ease. Tai apuni laga jibon laga sob biya khan tu bhal kuri dibole ahishe.

Aji bhabna kuribole laga pobitro kotha tu hoile Psalms 91:3 tai apuni ke sonb lukai kene thakia bhoi khan pora bachai dibo aru sob moribole thaka bimar khan pora bachi dibo.