Oct 18 – MANDRENGNAN DO AWRDAGE!

“Yante gamle aninji mandrengnan rapti hangteji, do awrdage antate rapti hangteji, kun asan Hen yerrai” (Jon 10:10).

Nami, bagu ranaptidaman ate gijtabe. Aboi ate Kitungdage aranaptin do anab-bagu ate sonuman aranaptin. Bibolan gamte sonuman Jumbwrmar. Jisu Kristun gamte, “Jumbwr maran a jumbwrben, a kadhidben do abs’zdben asan maih yertai, antate sadan sadle anin adniyan” (Jon 10:10).

Jajzngante amihnum saring aboi pastron Australia lingan ranaptidage Kitungan abaralumle dakuneten. Kun ayam-lingan, rugam bzmbzman yirlai do kun gardan-lingan ateng mandranji kabhidleji. Kun apsele regamanja adakuad do doctoranji ja ijaja lumle adraptieadji.

Rugaman batte bakurdi amandranji kun pastron a sarebasingan saring kahidleji. Kun pastron anteng dukadale. Anin Kitungan amangba hedaneten, “Kitung, kan a rugaman batte kuddub derna maranji a d’ong kabhidtepo kan a ranukun saring? Iten asan kan ambrij lumte?”

Marid Janggardan a d’ongan gamete, ‘Bar Jisun bangsa bangsa lanuman lumle, duaih suman batte anabasudan a delen a kuddub mandranji a d’ong absamangroi gorjang gorjang endungeten’ (Anappai 10:38). Anin absuile gamaiten kan a berna ‘Yante gamle aninji mandrengnan rapti hangteji, do awrdage antate rapti hangteji, kun asan Hen yerrai’ gamten.

Pastron angante galamle sonuman a d’ongan er tu’al do karahidan panlai gamle amadan rineten. Anin Janggarda-lingan asuyemdale. Anin sonuman batte asanunaben oskaile. Anin raduloge Jisu ajanzbjzb beran hamle dakule do sonuman batte sanule gamlenden karahidan apangtaih amandran, Anin akarahidan do etigoi sanuling dakuneten.

Engale anin garbernaba yirle, banzmbzmanji kadapneten. Itente kuddub mandranji amangling dakule, anin garberan adkadabnad. Anin gamle, “Satan, iten aman sanaisai gupa merendalingan saring?” do kuddub mandranji a d’ong Kristun a j’inba panglai. Kun ayam saring, kuddub mandranji garberlingji, Kitungan ajanzbjzban ambrij aninji dainan hangleji. Kun ayam kanalkalanji kadabneten.

Agaja asintadongne rugaman, danukan, er bittin, jajan kan ambrij ayam-lingan. Kitungan a d’ong abdusadong. Kitungan ajanzbjzb-beran, hamle dernan batte, Kuddub sangaite duaihan do arsudanji. Tanahimdam Kitungan a onagji, abangtongdong. Gamangtungan amben ampara atanang daku. Anin d’ongben mandrengna tiyte do hadab dakubenten.

Kinolbe absele: “Iten asan gamlenden kuddub anurdenganji saring Anin d’ong-Nam jardi gamle rabrabtam” (Sanenken 91:3).