Oct 16 – Biswas aru bhal gau!

James 5:15 biswas pora prathana kurishe koile utu bimar manu bhal hoijabo. Isor tai laga gau ke bhal kuri dibo aru tai ki pap kurise itu khan ke maph kuri dibo.

Biswas tu har k kadam te Christian jibon te lage. Biswas nathakile, apuni kitya bi Isor laga bhal ashirbaad khan napabo.

Isor tai laga bacha khan ke bhal lage aru sob te agh barhi jabo dibole mon, ami khan laga gau te bi. Hoilebi itu chalak satan pora hi bimar, ghau aru komjuri ani diye. Jisu koishe, chor tu chor kuribole, morabole aru biya kuribole hi ahe. John 10:10.

Jisu tai laga jibon dibole ahishe aru itu jibon tu bhal hoi jabole nimite. Tai sob bimar khan bhal kuri diye kile koile apuni bi jisu laga jibon thakibole paribo iku bimar nathaka. Jitya ekta bimar manu Biswas thaki kene prathana kure bimar bhal kuri dibole, tai laga Biswas pora hi tai ke bhal kuri diye

Apuni ki Biswas thakibole lage apuni laga bimar bhal hobole? Apuni Biswas kuribo lagibo aru mani bole lagibo ki JIsu Krista hi sob bimar laga dawai ase, atma laga bimar, pap laga bi aru gau laga bimar laga bi. Tai amikhan ke sob bhal kuri dibo koikene kotha dishe nahoi?

Exodus 15:26 Isor pora kosom dishe, “ami nidibo iku bi bimar apuni khan uporte juntu ami Egyptians khan uporte dishe. Kile koile ami Isor ase jun bhal kuri diye.

Tai pora apuni khan laga sob bimar tu krus te hi loi jaishe.Uporte sabi Isor ke Biswas kuri kene jun pora sob jhokom loishe apuni nimite. Isor ke bisaribi itu koikene, ami laga Isor apuni ami laga bimar sob krus te dhali she nahoi,aru ami laga komjuri khan bi dhalishe nahoi! Ami ke bhal kuri dibi. Isor pora hosa bi apuni khan ke bhal gau aru bimar khan pora mukti dibo. Ekta bi tai laga ashirbaad kotha itya tak chuk husnai.

Ekbar paul pora ekta manu usorte ahishe Lystra itu manu laga theng te iku tagot thakani jun hi lengra thakishe tai laga ama laga pet pora, tai tub phi kene kotha hun thakishe. paul pora taike sai thakishe aru itu manu Biswas pora sai thakishe ki tai bhal hoi jabo. Paul pora jor pora koishe, khara hobi sida apuni laga theng te.(Acts 14:8-10)

Sabi kinika Isor kam kura manu tai laga Biswas dikhi loishe. Tai laga Biswas pora hi taike bhal kuri dishe. Itu tu Biswas hi ase ji pora amikhan ke sob phine pora bhal kuri dibo, atma aru gau  pora bi.Oh Isor laga bacha khan Biswas kuribi aru achurit kam khan hobole dibi.

Aji bhabna kuribole laga pobitro kotha tu hoile, 1 John 1:1  am apuni khan ke jibon laga utu kotha khan ke koi ase juntu sob banabole laga age pora asile. Amikhan itu nije suku pora dikhishe aru nije kan pora hunise; hoi amikhan dikhishe aru nijor hatha pora chuishe,