Oct 15 – Biswas aru Chunilua!

John 7:38,39 pobitro kitab scripture te inika koi kene ase, jun amike Biswas kuribo tai laga mon bhitor pora jibon diya pani laga nodi ulabo. Jisu itu kotha laga  motlob, atma laga  kotha koise, juntu junbi tai ke Biswas kuribo tai khan pabole ase. Utu homoite kunbi atma ke panai, kile koile Jisu titia bi tai laga tagot ke loi ke uthanai.

Apuni jitya Biswas kuribo ki Jisu hi amikhan ke chune aru ami ke tai hi chuni lobo, Isor pora apuni ke tai laga pobitro atma pora chuni lobo. Biswas kuribi ki Isor hi atma ase. Biswas kuribi kotha khan ki tai hi apuni logote ahibo aru mapuni ke bujai dibo, shikai dibo aru apuni laga mon dangor kuri thakibo aru apuni ke rasta dikhai thakihai thakibo.

Jitya apuni Biswas kure, pobitro atma juntu hi nodi lga pani nishina jinda ase tai apuni logote ahe. Christian hua tu apuni ke khali mukti aru baptisma lua te hi khotom nohoi hoilebi, apuni pobitro atma pora chui kene chuni lua bi lage age te barhi jabole karone.

Jitya apostle paul pora Ephesus laga chela khan ke hudishe ki apuni pobitro atma pora chuishe na nai jitya apuni biswasi hoishe, tai khan koishe, ami khan tu pobitroo atma laga eku bi bishi huna nai. toh jitya paul pora tai laga hath chela khan laga uporte rakhishe, pobitro atma taikhan uporte ahishe aru tai khan alag bhasha kubolle shuru kurishe. (Acts 19:2,6)

Pobitro atma tu bishi zaroori ase apuni khan laga jibon te Biswas te dangor hobole aru agh barhi jabole. Bishi man utu biswasi ase hoilebi pobitro atma pora chui kene biswasi hua tu Biswas nakure. Aru kunuba manu khan tu pobitro atma pora chuni loishe baptisma loa laga homoi te hi koi kene bi koi thake. Judi itu hosa ase koile tu Paul pora tai laga chela khan ke matha te chui kene pobitro atma pora chubole diya tu iku zaroori hi thakanai.

Sabi Isor tu apuni khan ke morom kuri thaka baba ase. Itu Isor tai hi ase jun sob kosom khan ke pura kuribo koi kene apuni khan Biswas kuribi. Aru jun pora apuni khan ke ginibole napara morom kuribo koi kene Biswas kuribi.

Matthew 7:11 Jisu koishe, apuni judi iman biya hoikene bi bhal saman khan apuni lga bacha khan ke dibole pare, kiman bishi apuni khan laga baba jun hi swarg te ase bhal saman khan dibo judi apuni mange.  Luke 11:13

Sapha kuri lobi apuni khan laga monk e ki apuni khan bi pobitro atma ke pabole paribo. Apuni laga mon khan ke Jisu laga khun pora dhulai lobi. Isor pora hosa bi dibo judi apuni apuni laga mon tu sapha kuri kene rakhe aru Isor laga rasta hi bisare.

Aji bhabna kuribole laga pobitro kotha tu hoile Isaiah 44:3 pyas laga mati khan te ami pani dibo aru sukha mati khan tea mi pani laga dhara khan ke jabole dibo. Ami lag aatma apuni khan laga bacha khan uporte  dhali dibo aru apuni khan laga khandan khan kea mi ahish dibo.