Oct 15 – VISWASAM ANN ABHISHEKAM

Yohan 7:38, 39Grandher vaath kaju Marmayi viswas karevalo kunko, Vor dallemathi jeevner paanir nandi dhasachakan Jorethi ko. Vona viswas kareval palajako Athmarvadi hanuko; Yesu vujii mahima payekoni jethi, pavithar athmaa vujji ayokoni.

Thu kanavatho viswasmethi Pavithar Athmar abhisekmer vasu  “Abhisek karevalo Christhu, manna khaayanga abhishekam karacha” Ken ghasan dekajana Dev thar asaan puro karacha. Devaj Athma kan viswas karnu. “Vu Athma marmayi avacha ,mana kalavacha,mana bodha karacha,mana samjavacha, mana soli sathema chalavacha” Kethani viswas karnu.

Hano kana thu viswas karechiko jana Pavithar Athmar abhisekam Dev thar petemathi jeevaner panirnai bhar avaju karacha. Christhuvalo kajako rakshanathin Baptisamethij thamjayeni. Lapan Pavithar Athmar abhisekam sada palen mundag javanu.

Apostle Pual Ephesivalun tham viswas kidejana Pavithar Athmar abhisekam lide kai kan puncho,( Apostler kaam 19:2, 6) ‘ jen vo Pavithar Athma cha kajen ham samalej konikan key’. ‘Vujii Paul vundeper haath melojana, Pavithar Athma vundeper ayo;jana vo dusro vaathey karan pravachanam key’.

Pavithar Athmar abhisekam thona voddena ann phelayena ghano avashayam vencha. Ghaney admivo viswasir nai mathraj ren Pavithar Athmar abhisekamen nammanaju banchu karacha. Thodesek admi ma baptisam lidojannaj Abhisheken lelinochu kelacha. Hano pavatho Apostler Pual Ephesi chelavun abhishekam lelinecho key kan puncher vethikoni kaiko.

Tharo Dev Prem karevalo ken thar viswasmer ankithi dekhnu. Dev kidojako her yek soganena puro karevalo ken dekhnu. Vu Dev Vor beptavun kannai acho cheejevunaj dacha kan dekhnu.

(Mathai 7:11)   vachanema Yesu Prabhu kacha tham maandven thamar Beptan ach cheej dena thamen malamvatho, swarger thamar Baap, vona mangajen kathraiko ach cheejen dacha. Aji( Luka 11:13) kacha Paramer Baper dhayee puchlajena Pavithar Athmana ghano sasij dacha konika.

Viswasmethi thar dallena sudho karlatho Pavithar Athmar abhiseken palechi. Thar dallen paap  chenijako Christhur Loyeethi  dholastho  Dev Vor sannidhanmema thar daller asana puro karacha.

Ajji jada dhyan karen pado Yesaya 44:3 Ma  tharas chajer vumper panina sukharijako jammiper vaager paanina melunchu. Thar valadeper Mar Athmana melunchu. Thona pedavejako seni ashish karuchu.