Oct 14 – NAMMAKAM ANN BAPTHISAM

(Mark 16:16) Namman Baptisam ledojako rakshan pavacha;Nammenijena shiksha malacha.

Asal baptisam katho kai? Vu baptisam viswasmer vodithi racha. Yee jagema masaj dharam cha vossejima Christianity kajako dharm yek visheshmethi chaken dekhancha.

Baptisam thu lajanna Yesu maar vasu Asmanethi dharthiper ayoch. Maar vasu jaan dino, maran pharan vutoch kethanu viswas karnu.

Baptisam lesaru thu panima hubarajana, Yesu mar saru maroch ken siluvar saam sanmanethi dekhanu. Paanima dubajana Yesu Prabhu sada masanema ghalnake jethi saman. Apan seji Yesu baapur maranamema bhalgecha.

Panimathi vuncho vutajako Yesu baapur maranethi vuncho vutajethi saman. Abba thu Hakkamethi keja maro Yesu Prabhu marthani paran vutocha ken.

Mar premer Dever beptavo viswasmethi thu lelidojako baptisam yek margo jer masan karen javjen samjo tho, vo mardan khachithanga masan karnu jakonaj ,hanoj thar paap kajako risena,maand sochena, swardamen kaje mardan masanema burnaknu. Hanoj ajji kathra Daad papemaj banchan sathya naash vejachi? Apostle Pual kacha (Romavalun 6:4, 5) Vujji Baper Mahimathi Christhu mothemathi vutoju, apani navvo janethi chalena, Vor mothema Baptisamethi Vor saath masan vegecha. Jethi Vor mother saayama saasij apan bhalagevatho, Vor jeevyayer saayamayee bhalan remacha.

Vachan kaju viswasmethi kunvatho baptisam lelinechko vu rakshan pavacha. Yesu Prabhu marthani paran vutojako jorethi banchacha.

Ajji vachan kacha (2 Corithivalun 5:17) Jethi koyi yek Christhu maratho vu navvo srushti cha;Jun dagargo yidek navvo ayocha. Mar premer Dever beptavo thu Christhu ma navvo srushti venchi ken hedemella.

Ajji jada dhyan karen pado Galathivalun 3:27 Kimkatho -Christhu ma baptism lidejako thamse Christhuna perlidecho.