Oct 13 – Biswas aru Mukti!

Ephesians 2:8biswas koria nimit apuni khan bachibole laga asis paishe; itu Isor laga inam ase.

Mukti hi Christianity laga shuruwat ase. Kinika mukti pabo? Itu tu khali Biswas pora hi pabo.

Apuni ki bisas kuribo lage? 1 John 1:7,9 tai ujala te thakia nisina, amikhan bi ujalate ase koile, amikhan ekjon dusra jon logote milikene thakibo lage, aru Jisu Krista laga khun pora, jun Pormeshwar laga bacha ase, tai amikhan laga pap ke sapha kuri dibo. Hoilebi Isor laga usorte amikhan laga pap khan ke koise koille, tai amikhan laga sob pap khan ke maph kuri dibo aru amikkhan laga sob biya khan pora amikhan ke pobitro  kuri dibo.

Apuni khan tu bachi bole paribo jitya apuni uporte sabo krus ke Biswas kuri kene kobo, “ami bisas kure ki apuni tu swarg pora ahishe itu prithibi tea mi karone. Ami bisas kure ki apuni ke gujal marishe krus te ami laga pap karone. Ami bisas kure ki apuni laga khun ekla pora hi ami laga pap khan dhulabole paribo. Ami bisas kure ki apuni murishe, aru uthishe ami karone”. Pobitro kotha te koi, Roman 10;8,9  itu inka pora koi kene ase; Ior laga kotha apuni khan laga usorte ase, apuni khan laga mun te ase. Biswas laga kotha juntu ami khan apuni khan ke koi ase itu inika ase. Apuni khan mukh pora koi ase Jisu Krista Isor ase aru monte iswa kori ase Jehova tai ke moria pichete arubi jinda kori dise, itu koile apuni khan bachibo.

Mukti te duita dangor Shakti ekjon ekjon ke lok pai. Ekta tu ase manu laga Biswas aru dusra ase Krista laga maph. Jitya thanda hawa badal ke chui, amikhan bhal barish pai, itu nisina hi jitya Isor laga maph ami khan laga biswa ke chui titya amikhan mukti pai. Itu nimite pobitro kotha te koi ki, maph pora hi apuni khan bachishe apuni laga Biswas pora (Ephesians 2:8)

Itu biswas tu bishi zaroori ase khali mukti pabole apuni ekla nahoi, hoilebi apuni laga sob pariwar pabole lage. Itu karone Biswas te thakibi apuni mukti pai jaishe koile bi aru itu pora hi apuni laga sob pariwar ke bi ekta ekta kuri kene mukti laga rasta te anibi.

Judi ekjon manu bi bachi jai pap pora, Isor pora apuni laga pariwar bachibole nimite itu Biswas pora hi rasta hi khului dibo. Noah laga sob pariwar nau te thaka ke Isor pora bachai dishe kile koile Noah tu biswasi thakishe, aru tai laga Biswas poratai laga pariwar ke Isor pora bachai she. Oh Isor laga bacha khan, judi apuni Biswas kure, apuni khan buji pabo ki mukti tu apuni laga pariwar bi pabo. Bachibole dibi apuni laga sob pariwar ke apuni laga Biswas pora.

Aji bhabna kuribole laga pobitro kotha tu hoile Romans 10:11 pobitro kitab Scripture te koi kene ase, “ jun taike Biswas kure tai kityabi mon chutu nahobo.”