Oct 13 – DERNA DO RANABRABAN!

“Iten asan gamlenden asuyeman batte derna lingan amben ranabraban a hangle, do kanate ambendaman saring ted, osantan Kitungan a taniytiyan na” (Episi 2:8).

Kristu mandrengna-lingan Ranabraban aboi susunan. Yangam ranabraban hangtabe? Kan ate dernan sattan batte.

Iten amben aderdernaben dete? amben aderdernaben dete “…. bar Anin a On Jisun a mihaman kuddub pintun saring abmaridtalen. Bogad anlen a pintun abpengbalenden, pintu-lenji a tabmadben asan, do kuddub er ranoitadan saring d’ong-len abmaridben asan Anin dernadage do roitaddage na” (1 Jon 1:7, 9).

Amben ranabraban a hangte angante arakadanba gijgijle derna batte agamte, “Jisu, Hen dertenai Aman ordarban yirlai hen a pintun asan. Hen dertenaih hen apintun asan arakadang-lingan tanangtangan dele do danusa-hen asan tanurtulan dele. Hen dertenaih mihamnam batte kuddub pintu-henji ganijdan dele. Hen dertenaih hen asan kahidlam, tanurtulan delam do yanarmengan delam.”

Bibolan gamte, “…adamba-nam daku, manan, anlen a oblengtaian a dernaberan na. yante gamle, Jisun, Gamangtung na, gamle bogad aman a t’od batte abpengbalenden, bar, karahid maranji amang saring Anin a d’ong Kitungan abyarm’engle abdzeten, gamle j’e-ling-nam derrenanden, aman ranabraban hangte” (Romi 10:8, 9).

Ranabrab-lingan, bagu surda ranaptin daku. Aboi ate mandran aderna do anab-bagu ate Kristun asuyeman. Angante sayu rangen yirtai tarub-lingan, anlen bangsa ganuran hangtabe, kun ambrij, angante Kitungan asuyeman derna-ling-len yirtaih, anlen bo surda ranabraban hangtabe, anten asan bibolan gamte sanabyun batte derna-lingan ranabraban adele (Episi 2:8).

Kan ambrij a derna sanaisai ranabrab-ling-ben sattang ted, bindo birindaben aranabrab-lingan janang. Anten asan, dernan batte ranabrab-mandrengnaben abhanaba eteden aboi boi birindabenji ranabraban hangteji.

Bogad bo mandran birida-lingan ranabraban delenden, ranabraban ahangle amandran adernan batte Kuddub birindanji Kitungan ranabraban tiyte. Kuddub Noa a birindanji ranabraban hangleji bungsang-lingan adernan batte. Ija po? Tanahimdam Kitungan a onagji, bogad amben aderlenanden, amben agalamte do ranabrab-ben ja birindaben janang abmele. Kuddub birindabenji ranabraban adeben dete.

Kinolbe absele: “Butente Anin amang lingan derten, anin ganabroijan adde-e” (Romi 10:11).