Oct 12 – RAJYAMAN, JORAN,MAHIMA

Mathai 6:13 Rajyaman, joran,mahiman jagu jagu mayi Tharoj;

Deven sthuthi kareroj Prabhu sikhayojako prarthana mar akharir bhaga venchaju dekhancha. Yee dharthi thayyar vikonije aang ghano moto aradhana vethi. Mundag avajako shaswith rajyamema sada vuj aradhanathi bharan racha.

Thu Dever betar nai banchen balamelochi. Vuj Dever saru kannai acho kaam karnu, kannai Deven stuthi karan mahima karero jada renu. Mathai 28:18 vachanema kacha, rajyam, jor ann  mahima seji Deveraj. Asmanema ann jammiper soli hakk Yesu Devenaj dencha.

Thu kai karathoi Pavithar Deven mahima avaju karnu. Herod von yeklen mahima avnu keldo jana Dever soja athanu ku heta patkanakotho ku jaan dagargi ko ann ku kukan kidkida von kahanakiko dekhancha. Jethi thu Dever prasannthema kannai Deven mahima kartho ann dhanyavaad ketho renu.

Darshaner Grandh 1:11, 17,18 vachanema lakan cha Vuj rajero Raj, devero Dev. Alpha ann Omegai Vuj. Vuj agedi ann aakhari. Vor hathemaj motheran pathalamer chaavi cha.

Apan yee vachan padatho agedithi akharithanu kathra acham kalathi Yesu Dev jorethi bharan chaken dekhancha. Dev Vor hakkamethi seni swadhin karlino, Vu vaaru kiarer jor, achamkalar kaamen karer jor, paapin rakshana dero jor, ann maran vutojako jor. Katho soli jor Deveraj cha.

Dever Naam mahima vevasu vuj hakkam thona demeloch. Dever asa kaikatho thu pavitharethi ann jayamethi yee dharthin Dever Namema palan karnu kajakoch. Sathaner mathen thidojako Devaj thona thar vairivur seji vumper hakkam demeloch thu jayamethi jeethnu ken. Kanna yee hakkamen thu vadechiko jana acham kalar kaam chalachchalach Dever moto Naam mahima vacha.

Agadiyar Grandh 17:1 vachanema Abrahamen Dev paricho kido jana, Dever jor kaako malam karen kacha, “Maaj soli hakkam chajako Dev, thu Maar mundag dosh cheniju chaal ko.

Maar premer Dever beptavo thaar mundag Devaj chalroch jegali thu kai karathoi Von dhaak padan karnu. Deven sanmaan karan mahima karastho thu jayamethi chaleja. Devaj thar laar chalrojana thar aado hubarevalo kunkatho?.