Oct 12 – Rajyo, Sakti aru Mahima!

Matthew 6:13 porikhate amikhan ke naloi jabi, hoilebi biya pora amikhanke hatai kene rakhibi, kilekoile apuni laga desh, Shakti, aru sonman hodai hodai nimite ase.

Nam uncha Isor laga kura hi Isor laga prathana laga sesbhag te ase. Bishi mahima kuri thakishe agote jitya itu prithibi ke banana. Aru aha laga dinkhan bi inika hobole ase.

Apuni ke Isor laga bacha hovbole matishe, hodai din bhal kam kura Isor karone aru tai lagan am unch akuribole. Itu rajyo bi Tai  laga ase, itu Shakti bi tai laga ase aru nam uncha kura bi tai laga hi ase. Sob hak aru adhikar itu prithibi aru swarg te tai ke hi dishe. (Matthew 28:18)

Apuni ji bi kure, itu kura tu hoile pita Pormeshwar karone hi kuribole lage. Heror tai nijor laga hi nam uncha kuribole laga mon thakishe, tai ke Isor laga duth pora hi morai dishe, puka khan pora khai kene bishi biya pora murishe. Itu karone apuni ki bi kure Isor laga samna te kuribi aru taike dhanyabad kuri thakibi

Tai hi raja laga raja ase. Ta hi Isor khan laga Isor ase. Tai hi shuru ase ses bi ase. Tai hi shuru aru khotom ase. Tai hi ase chabi khan tu jonom aru mara laga. (Revelations 1:11,12)

Jitya apmi khan ponitro kotha ke pure, ami khan achurit Shakti dikhi pai shuru aru ses tu. Isor tu shakta laga mahima pora hi bhorta hoi kene ase, changai kuri diya laga, shakta achurit kam kura laga, Shakti manu khan ke maph kuri diya laga aru pap te muri ke utha laga bi. Itu Shakti tu Isor laga hi ase.

Isor pora tai laga Shakti apuni khan ke diya tu khali tai laga nam uncha kuribole hi dishe ki tai hi sob laga Isor ase janibole nimite. Tai laga ekta hi icha ase ki  apuni khan mani kene tai laga Shakti chulai kene tai lagan am ke mahima kuri thkaibole hi lage.

Tai jun hi satan laga matha ke tialaga theng pora chipai dishe, tai hi apuni khan ke bi hak aru Shakti dishe itu khan sob ke par kuribole satan laga Shakti ke. Jitya apuni Isor laga Shakti ke chulai, achurit kam khan hoi aru itu pora Isor laga mahima hi hoi thake.

Jitya isor pora Abraham ke porikha lloishe, Isor tai laga Shakti ke dikhaishe itu koi kene, “ami hi Pormeshwar ase; ami logote berabi aru pobitro hi thakibi”. (Genesis 17:1)

Oh Isor laga bacha khan, apuni iku te bi bhoi khabole nalage kile koile pormeshwar hi apuni khan laga age te berai thake. Apuni tu jiti kene hi berabo jitya apuni sob kam te taike hi mahima kuribo aru sonman kuribo. Jitya tai hi apuni khan laga agete berai ase toh kun pora apuni khan laga khilaf te berabole paribo?

Aji  bhabna kuribole laga pobitro kotha tu hoile Psalms 62:11Isor ekbar itu kotha ke koishe ; aru ami bishi bar itu hunishe sob tagotkhan Isor laga ase.