Oct 12 – RAJAMAN, RANAPTIN, GANUGU PANEMENGAN!

“Iten asan gamlenden rajaman, ranaptin, ganugu panemengan tarda ayam Amanate” (Mattiu 6:13).

Kitungan anabgugu Gamangtungan atanakud garberan na. Ordaran enrang gadelen adnang bo surda anabgugu dakule. Ayirtaih ayam-lingan janang anabgugu batte barij tardangge dete.

Amben, ayengan amandranji Kitungan amandran gamle ganudingan adele, Kitungan abmele bangsa baran alumben dete do abgugule panemengan atiyben dete. Rajaman Anina ate, Ranapti Anin ate do Ganugu panemengan Anin ate. Kuddub danen Anin a d’ong taniyeng dele ruang-lingan do ordar-lingan (Mattiu 28:18).

Itente alumte Kitungdage aganugu abmele lumba. Herodo anindaman aganugu abmele ogandele do Kitungan apisirdianji batte anabgegen dele, a d’ongan bubudanji jumleji do bo surda kanalkalan batte kadhidle, ija po? Anten asan, ite-janang alumlenden, Kitungan atanurdun batte lumba do dile tordong senba.

Anin Rajanji a Raja. Anin na Kitunganji a Kitung. Anin na Alpa do Omega. Anin na Susuna do Tanakudan. Anin amang-lingan ranis’ingan akarahidan do mandrengna ate daku (Anabpungge 1:11, 17, 18).

Angante anlen Bibolan kznoltabe, anlen gijtaben Kitungdagge aranapptin asusunan saring atanakudan sikoija rumangdage abernaji daku. Kitungan amang-ling kuddub ranaptinji daku egale sanamangan aranaptin, rumang baran aranaptin, pintun tanamadan aranaptin do anadyermengan aranaptin. Ranaptina Kitungan ate.

Kitungan aranptin do dane tiyaiten Ahiman abguguben asan. Anin aitsuman mang-ben saring Marid dakulen dainan ahangben dete.

Anin, ayengan asunuman abab hale Anin na d’ong-ben kuddub ranaptin adane tiyle do asangem-maranji aranptin saring adungnaben aranptin tiylaben. Angante amben kun ranaptin ayamdramte, rumang baranji do Kitungdagge ahiman anabgugu dete.

Angante Kitungan Abraam a d’ong tungjingle, Anin aranabtin abpunggele do gamle, “Hen Rananti Kitungan; Temang-ling-Hen roitad lanuman luman lumle roitad dea” (Aparamangtan 17:1).

Tanahimdam Kitungan a onagji, amben abangtongdong Ranapti Kitunglen Kuddub tagoran sabrile. Amben nami dainan batte panemengan tiyle abgugule hanaben dete. Angante mukababen Anin halingdaku, Timang-ling-ben Buten tanage?

Kinolbe absele: “Bo tara Kitungan gameten, bagu tara hen kanate amdanglai: ranaptin Kitunganate” (Sanenken 62:11).