Oct 10 – NEHEMIAH VU RAJAKO JAAG

Nehemiah 1:11 Maro Dev Ajer daadema thar baayar sochen puro kar, yee manikya maar vodithi daya dakalaju dekh ken thon nora karrochu.

Thu Devesaru Kai kaam karsathoi thon aado thavdo avacha. Thar sevama vela arikonthi katho thu karrojako sevaj koni.  Satan kannai thu acho seva karatho Hamesha kaiko yek vela lavukaracha. Yerushalemer phuta gijajako Dever Devalena ann Yerushalemer gheran padagejako godan bhandrojanna ghano aado ayee. Sanballat ann Tobia dee vairivo masaj genethi aado aye, vachan kacha, (Nehemiah 2:10) vo masaj ghabrage Kasenkatho Yisrael janner achballan dekhen yek admi ayochen samale jethi.

Lapan Nehemiar laar Dev vetho. Maar sath thamo kan janner vacha hubaren balayo.  Dever sevar vaasu Dever beptavo se ji Nehemiah sath hubarey. Huner kaam kaiko malam karlen Dever seva karen mundag ayethey.

Maar premer Dever beptavo tham sada Dever rajyamena dharthiper bhander vasu thu kaithoi thyag karnu. Dever seva vujjeevamethi chalnu katho thu thar hathaviatra devatho Dev thon ashish karacha.

Haal vejarejako athmavun kamayevalen sathan kannai haal karnuken ghasan racha. Vu kannai thon vairir nai kannai thatta karacha. Kukan katho ‘voh ayochrey jammin het vumper karevaalo dekhore? ‘. Hannoj jada seva karevaal her padajarech. Thu sada padanaju dekhlenu.

Nehemian sada vairivo  haasan thatta karan ghano vela ghale.(Nehemiah 4:3) Ammonevaler Tobya vor daai athanu thu bhandrojako bhaatar godaper sasya chalathoj het padajavach ken key.

Yessema Nehemiah prarthana karan vairisarik chajako kothivun bhothen jeetho jum thu sada prarthana karan jeethanu.

Ajji jada dhyan karen pado Nehemiah 13:14 Maro Dev yee vagathema manna herdelela, Ma Dever Devalema aradhana chalaju kidojako prayasamen dekan manna bhoolmath.