Oct 09 – LADGADAMNA DO ANABSITTAN!

“Ayangan a parduran saring amben ganaigaian a dele, do kan parduran amangban gijgijba” (Jisaya 51:1).

Angante Kitungan Adam do Oban agaddel-ben ogal-le, Anin ranan orde jznjzng samanan batte adgabdelad bindo durdisolan batten gabdelle. Bibolan gamte “Ayangan a parduran saring amben ganaigaian a dele, do kan parduran amangban gijgijba”.

Gorjangban ateng mandranji soldan hangdramteji s’ingan agutulben asan. Mandranji soldan gaiteji do itan gabdelteji. Itan batte kantalan abdeteji do kun asoldan batte janang jodateji. Etigoi kirdikin do darane kan ambrij aninji gusantenji. Bindo buteja adnogandieji parduran abmele, itente amanengba aninji gaileji s’ingan abmele.

Kun ambrij, ateng mandrangji anabgugueji do Kitungan a d’ong adsajeji ayengan a Kitung aninji a d’ong absittale daina do ganalaman do lanangkaba dakule a d’onganji. Kinsan batte aninji gamteji ‘hen kinolinai, hen hanglinai do hen daina hanglai’. Bibolan gamte, “Anin rong derna mar dedongete, delenden kinsa-an kinsale anin duaih suman a anabdusa lingan galute pedde” (1 Timoti 3:6).

Kitungan a d’ong karidale aninji duaih suman ambrij gamdamtenji kinsan batte anlen ambrij buteja agasa. Anten asan sunuman a d’ong lanangkan saring sanidan dele. Amben janang kan ambrij erdelabe adakunaben dete. Kinsana j’ee-ling-ben dunleden, kun ayam parduran amangban gijgijba!

Aboi mantrin bagsan hamle endungeten. Kun ate gijangijle ateng mandranji Raja amangba gamleji, “Raja, mantrin bangsan abidle dakuten kun ate janadtidam. Anin d’ong-nam bo surda bitin batte jolda’amten.”

Bo denna Raja mantri a d’ong bangsan akulben oblingle. Angante bangsan rile adnang aridkaban sattan dakule. Mantrin gamle, “Raja, kan ate mantri godhen saring asindriji. Aman d’ong-hen abdainale do mantrin abmele-hen saring ate kan. Kan batte hen erkinsa-ling-ben do hen aogandiben dete yangam hen dakulen do hen yangam daku, ogajanang yirengden kan kudduban pandamten.”

Tanahimdam Kitungan a onagji, angante Kitungan abdainabenten, Kitungan do mandranji amangba ladgaddam-ling dakunaben dete. atenden Kitungan d’ong-ben abdainale absittan-benten.

Kinolbe absele: “Angante anlen osengdam delalen, seletten Anin d’ong-len ayimlalen, iten asan gamlenden Anin asuyeman er ahiddam” (Sanenken 136:23).