Oct 08 – Pathor aru gada!

Isaiah 51:1 juntu pathor pora apuni ahishe utu ke bhabibi, juntu gadah pora apuni ke khundishe utu ke bhabna kuribi.

Prophet Isaiah khali apuni ke juntu pathor pora ahishe itu ekla huda nohoi kene juntu gadah pora khundishe itu bi bhabna kuribi koi ase. Itu duita kotha ami khan laga duita jibon laga kotha ke koi, atma laga duniya aru itu prithibi.  Pobitro kotha te Itu nimite duita kisim laga jonom hua laga kotha ke koi. Ekta tu hoile ama laga pet pora jonom hua aru dusra tu hoile atma te jonom hua krus pora.

Nicodemus pora Jisu ke sai kene hudishe John 3:4 kinika ekta manu arubi jonom lobule paribo jitya tai dangor hi ase? Tai jaikene duibar ama laga pet te gushibo paribo? Jisu jawab dishe, John 3:6 kile koile ekta manu khun aru mongso laga hobole nimite ama laga pet pora jonom loi, hoilebi tai laga atma nimite atma pora jonom lobo lagibo.

Jisu tu khali jonom laga kua nohoi kene mura bi koi. Poila tu hoile gau mura laga ase aru dusra tu hoile atma te mura pap pora. Dusra mura tu hoile kinika manu bhag loi jui laga nodi te jolibole. Isaiah pora duita kotha manu khan bhabna kuribole koi tai khan laga jonom pora mura tok. Isaiah 51:2 apiuni khan laga khandan laga baba Abraham ke monte kuribi, aru Sarah ke monte kuribi , jun laga khandan pora apuni khan ahishe. Jitya ami Abraham ke matisile titia tai laga bacha thakanai, hoilebi ami taike ashish dishe  aru taike bacha khan dise; ami  tailaga khandan khan ke ginti koribole napara nisina hobole dise.

Apuni bi Abraham laga hi bacha ase. Abraham tu apuni laga baba hi ase, jun biswasi ase. Juntu gada pora apuni ke ulaiashe it utu Abraham hi ase. Itu tu Abraham pora hi ase Israelites khan aha tu. Aji apuni khan atma pora Israelites khan ase itu karone apuni khan sabo lagibi apuni khan kuntu pathor aru gada ppora ahishe. Pobitro kotha te koi, Deuteronomy 32:18 tai khan laga Isor jun sob pora tagot thakia shatiman ase tai ke taikhan pahori jaishe , utu Isor jun tai khan ke jibon dise.

Isor hi ase jun apuni khan ke jonom dise, jibon laga pathor jun apuni khan ke jonom dishe, jibon laga pathor jun apuni khan ke atma laga jibon dise, aru jibon laga pathor jun apuni khan ke sapha kurishe aru apuni ke ekta notun jibon dishe ji pora apuni atma ke bachi bo paribo.

Israelites khan pora bishi khushi pora Abraham ke taikhan laga baba mati thakishe. hoilebi apuni khan jun Notun Niom pora ase apuni khan ke bi Abraham laga ashirbad diya khan tu dishe. Apunikhan laga pyas tu bijhi bo jitya apuni kot pora ahishe itu jani pabo. Aru apuni laga Biswas tu jibon diya pathor Jisu ke thakile apuni khan laga khuti tu nahilibo. Kiman bi ashirbad ase!

Isaiah 26:4 hodai hodai nimite Jehovah uporte Biswas kori kene thakibi ; tai hodai amikhan ke bachai kene rakhibo.