Oct 05 – AGEDI ANN AAKHARI

Yobur Grandh 8:7 Janna thar tharika agedi kammaj rathoi aakharima thu ghano badechi.

Yek kaam karajana agadiyathi jada aakharimaj masaj avasyak venracha. Thu shuru karajako kaam samor ratho vu kaam aakharima sammorethi puro vacha. Vuj kaam Devethi aarambh vatho aakharima ghano achamkalaven racha.

Dwight L. Moody kajako moto Bhakthidar shuru kidojako Dever seva kathra naankis vethi malam ka? Vor agadiyar sevama Dithvarer daad naankya beptavun balalen ayeroj. Vunen balalen ayero Dever vaathen kevasu koni lapan naankya beptavun kaandeper paalden gharen layeroj. Yee naankis kaamen puro dallethi kidojethi Dev Moodi Bhakthidaren sari malken aach khabar kevaler nai vuncho pado.

Aaj thu Dever saru navvo kaam shuru karmelochi kaiko, vu prarthana kerer red, Geed boler red, kagad venter red, hospitalema seva kerer red kunas rathoi Devethi shuru karastho von Devaj puro karan thon vuncho padacha.

Dever vachanema Jerubbabel kajako yek Bhakthidar Dever saru deval bhandnu keldo. Jethi Dever vachan kacha. (Zachariya 4:10) kaam kerero vagath kam chaken ken kevalo kuncha? Jagsari gheran pharrijako Yehovar saath aanki Jerubbabeler haathema chajako dorar pindlithi pasand verocha.

Thar kaam nankis cha kaiko , vu kaamethi Deven mahima lavastho Dev thar saath ren chalavcha. Thu athmik jeevanema voddan thar mai chajako athmik admi jorethi bharavacha. Jethij vachan kacha (Yohur Grandh 17:9) Lapan neethidhar vunder vaten chodanaju chalacha ,aparadh kidokonthijako dhadi dhadi joren pavacha.

Daveeden dekhatho yek naankyas gorlin charayevalo vu bhaari kamjorer kaam. Lapan vu voma nammakamethi vetho. Devaj maar Gollagariya ken Geed lakkan kannai bolukartho. Jethi Daveeder aakhari kathra acham kalathi cha malamkey? Vachan kacha ( Geeder Grandh 84:7) Vo dhadi dhadi joreper jor palen payanam karacha;vundema heryek Seeyoner Dever sannidhima aan Dakhavacha. Mar premer Dever beptavo tham sada Dever dai nammakamethi bancho jana Dev thameni vuncho padan ashish karacha.

Ajji jada dhyan karen pado Geeder Grandh 92:12 Niyathedhar khajurar jhuder nai vaddan, Lebanoner Devadherer jhaadernai phelavacha.