Oct 05 – Shuru aru ses!

ob 8:7 jitya Isor apuni ke dibole lagibo titya apuni jiman dhon khan haraise itukhan logote utuke milabole naparibo, kile koile itu khan arubi bisi mhoi jabo.

Ekta kam laga ses hi bisi zaroori ase tai shuru hua pora. Jitya apuni kiba kure , itu laga ses tu thik hobo judi itu thaik rasta te jai. Judi itu Isor logote shuru hoishe, tai laga ses tu bishi sundor hobo.

Dwight L. Moody tu bishi bhal biswasi thakishe, apuni jane tai laga ministry kinika shuru hoishe? Tai laga shuru ministry te tu Sunday school laga bacha khan ke ana thakishe. Itu bacha khan ke shika laga nohoi hoilebi taikhan tai laga kandha te uthai kene itu school te ana laga thakishe. Kile koile tai bishi wafadar thakishe tai laga kam te , Isor pora taike ekta dangor evangelist banaishe.

Aji apuni bi Isor laga ekta kam shuru kuri thakibo pare. Hobo pare itu prathana laga ministry, gana laga ministry nahoilebi tracts bhag kura laga bi hobo pare, ya hospital laga ministry bi hobo pare, itu khan sob tu Isor karone kuribi aru hosa mon rakhai kene kuribi. Isor pora apuni ke itu te bi uthai dibo.

Pobitro kotha te ekta  sheva kura laga nam koi ken ease Zerubababel. Tai Isor nimite ekta girja banabo koi kene zimedari uthaishe. Tai foundation girja laga bana hoimoite plumb line lagaishe jitu ghor bana homoi te lagai. Isor pora itu shuru hua dikhishe.

Pobitro kotha te koi ase Zechariah 4:10 kam bishi aste hoi ase koi kene tai khan laga mon chutu hoishe. Hoilebi tai khan sabo Zerubbabel mondirke banai thakishe aru tai khan khusi hobo. Utu duth amike koise, “utu sata bati rakhibole jagakhan Jehovah laga sat ta suku  khan ase juntu pura prithibi ke sai thake.”

Apuni laga shuruwath tu bishi sadha thakibo pare, hooilebi itu apuni khan laga atma laga jibon ke uthi bole dibo kile koile apuni itu Isor logote kuri ase. Apuni aru bhitor pora tagot hobo. Pobitro kotha te koi Job 17:9 un manu khan nije ke nije bishi sonman laga manu ase koi kene bhabi ase tai khan ji hoile bi bishi bhal manu ase koi kene bhbna kuri loise.

David ke sabi, tai tub he ra saguli khan ke charwai thakishe. Itu tu bishi mamuli shuruwat hi thakishe. Hoilebi tai tiu te bi bishi wafadar thakishe. psalms te tai inika koi Isor hi ami laga chrawaha ase , tai itu likhi kene gana kure jitya bi tai homoi pai. Kiman bi bhal aru sundor thakishe tai laga ses din khan. Psalms 84:7 tai khan jiman jai thake iman hi tagot pai thake, Zion te taikhan sob Isorke log pabo. Oh Isor laga  bacha khan, apuni khan bi wafadar thakibi. Isor pora apunikhan ke bi ashirbad dibo. Isor pora apuni ke bishi uthai dibo.

Aji bhabna kuribole laga pobitro kotha tu Psalms 92:12 ntal gash nishina hosate thakia manu khan uthi thakibo; Lebanon laga cedar gash  nishina tai khan lamba hoi thakibo.