Oct 05 – SUSUNA DO TANAKUDAN!

“Bar susuna ayam-nam boiboi oseng dele janang den, tanakud ayam-nam boiboi gugudage dete” (Ayob 8:7).

Susuna saring Tanakudan jznjzn murdadam. Anlen angante itente lumtabe, bogad susuna sarigoi lumlabenden atanakud-lingan daina hangtabe. Bogad Kitungan batte susulabenden, tanankudan bo surda ganugun batte dete.

Dwight L. Moody bo surda Kitungan aboantan dakule amben agalamtepo asusuna baran yan ambrij dakule? Asusuna bara pasijanji a d’ong Sunday school aurungben abramar dakule. Ahangbented bindo akaparda-lingan pasijanji a d’ong aurungbe. Kan sanna bara-lingan anin dernadage dakule, Kitungan a d’ongan abdainale do bo surda pamengdage ordaranlingan abmele.

Nami, amben pede asusule tabme baran Kitungan abmele. Baraben aboi garberan abara orde kznkznan abara orde kambo’olan ataniytiy abara, orde Hospital abara, itedeleja Kitunglingan dernan batte alumlenden. Kitungan abdainataben.

Bibol-lingan anlen gijtabe Jirubbabel abmele. Anin aboi Kitungan a sarebasingan gabdele. Anin bangsa ganutusingan gabdele eganle s’ingdaman agutultaben ambrij. Kitungan amadaman kan ate gijle asusueten ate.

Bibolan gamte, “Iten asan gamlenden dinnan a sanna baran buten pudyingte? Angante kan gulji, Jirubabil a s’I lingan janong-gundun gijteji, seletten aninji m’oihteji. Kuni gulji Gamangtungan a m’odanji do kuni ordaran a kodi kota endungteji” (Jikoriya 4:10).

Amben pede asusute ate sannadam, bindo janggardan mandrengnaben sanayaman ahangte Kitungan batte. Amben janang bo radumar adete Kitung-lingan. Bibolan gamte, “Dele janang roitad maran anin a tengoran raduloge hamle dakuten, do marid-s’I maran okij barokij radudam dete” (Ayob 17:9).

Daudo gijgijba. Anin aboi gupamar dakule. Ajardina kun aboi bo sanna susunan dakule. Bindo, anin dernadage dakule. Gamle “Gamangtungan na Gupa Mar-hen’ gamle anin edol-le do kznkznan kznle dakuneten angante anin royongan hangle. Atanakudan janang boiboi bangsa dakule! Bibolan gamte, “Aninji di daragam Sion bwr lingan Kitungan a temangban endrang tanangenji sikkoi ja aninji dile dinnan ranapti lingan marangteji” (Sanenken 84:7). Tanahimdam Kitungan a onagji, amben janang dernadage dakuben dete. eteden Kitungan adsittataben. Amben daina ayangte aur saring aur.

Kinolbe absele: “Roitad maranji sindi nebanji ambrij r’ale j’ootenji aninji Libanon a eros aran ambrij marangteji” (Sanenken 92:12).