Oct 04 – ASHISH ANN SARAP

‘Dimo vupadesher Grandh 30:19 … Ma thar mundag jeevena ann mothen, ashishena ann sarapen melmelochu’.

Tharo jeevano ashishethi bharan chaka nathkan sarapethi halajan chaka? Yekhapthi sochkaratho malkema masaj admivo samdhan malenijako jeevano banchrecha.

Thodsek gharema Deven sthuthi aradhana karan ashishethi banchrecha. Ajji jada gharuma andharethi gheraan, rog dokkema ann bhoother vodithi arijako velan khanan banchrecha. Asso sarapemathi thu kukan bhaar ayerviye?

Vachanema (Agadiyar Grandh 3:14-19) saraper bage padacha, Adam Dever vaathen maanokoni janna Dever dalla putago. Katho Adam Dever vaathethi jada saaper vaathen maano, jethij Dev Adamer vodithi manikyan ann sari jagena sarap denako. Janathi mamikya jeeveper paseena avajethanu kaam karan khano khavnu. Ajji beer janervona ghano velathi janach. Ann jammi bochkana kantena vuncho lavacha. Yeej prakar sarap Agadiyar Grandhethi pakadan aakharir Grandh Darshaner Grandhema sada padacha. Lapan (Darshaner Grandh 22:3) Abbeper kunsi sarapi reni…. Dever beptavo tham ashish payenaj Dev Balameloch.

Thu ashish pavnu kelerochike atho agedi thu sarapethi bhar ayer dekhnu. Thar sarapen mulam kaiko valaknu. Yesarapethi bhar ayen thar bhootha verikonitho Dev Vor Jorethi thon chodavacha.

Yesu Christhu apanen sarapethi chodayer vaasu Vuj sarap vego. Vachan hanno kacha Galathivalun 3:13 Jhadeper latkejako heryek sarapi kan lakkan chajernai, Christhu apaner vaas sarap ven, dharm shasthrer sarapethi apanena chetikaran apanena rakhvaali kidocha. Vu Yesu Christhu thar sarapen Vor lakadir siluvaper panako ann thon sarapethi chodayer vaasu Vor matheper saraper kaantethi thayar kidejako kiritan peraldo.

Masaj admivo Yesu Christhu maar paapen sejini siluvama phenakoch kelach lapan ajji thodsek admivo vuj siluvaper maar sarapeni kanakoch ken keleni. Jethij mar premer Dever beptavo  vu Yesu Christhu thar jeevanema chajako sarapen sejini Ashishernai badlanakacha.

Ajji jada dhyan karen pado Darshaner Grandh 22:3 Abbeper kunsi sarapi reni;Deveran gorli pillar simhasan voma racha.