Oct 02 – BOYER VAGATH ANN KAATER VAGATH

Agadiyar Grandh 8:22 Jammi rajethanu boyero vagathan kaater vagathan sheeyer daado ann thavader daadema sheeyer daad diye ann raath kannai rachakan Vor dallema keldo.

Boyer vagath ann kaater vagath kannai narajureni vuj Dever adharshmer vaath vencha. Manikya kaai boyochko vonaj kaatacha. Tamilema yek saatuva cha ‘kun vatho jar natachko vu jaarenaj katerviye ann ajjeker jeevanen naas karnu kelatho vuj sathyanas vejavacha’. Abba Boyer vagath ann kaater vagath katho kaiko sochkara.

Dever vachan hano kacha ( Yobur Grandh 4:8)Yobu kacha ma ditto jema akramema khodan ballan boyevalo vonaj katlacha ken ko. (Agadiyar Grandh 9:6) vachanema sada , manikyar loyeen redevaler loyeen vuj manikyathij redavacha.

(Geeder Grandh 7:15) vu khayeena khodan vundo kidocha;vu khodojako khayeema vuj padacha. (Galathivalun 6:8) Vor jeevadar vaas boyevaalo jeevadathi haalena kaatacha;Athma vaas boyevaalo Athmathi shashvith jeevena kaatacha.

Jethi thi vatho aach beejavun bovanu;ashisher beejan bovanu;vu Shashvith revasu bovanu. Vorsaruj vachan kacha (Seekvadir Grandh 11:1) Thar khaane paaniper phenkda;masaj daaderpacha vu thona dikhavacha.

Yek daad Raaj ghodeper jaarojana yek budlo aambar jhaden naatan paani ghalrojen dotto, von dekha Raj hevithar puncho, ye budo dada thu naatrojako yee jhad voddan phal devathrama thu resini tho kai phaido katho?, vo vaathen vu budlo hanno ko, haav Raj thu kojako sasij lapan maar vadbud naatejako jhadevur phalen maa abba kharochu hannoj ma ghaadrojako yee aambar jhader phal maar pacha avajako maar khandan khayekonike? Buder samadhanen samalan Rajen ghano pasand vegi.

Abraham sada vor budpanema viswas kajako beejan boyotho. Vor pacha Abrahmen yekloj beta Issac khandaneemai ayo. Lapan Abrahamer viswasmer aanki vullasamethi bharagi kankren katho vor khandan askanemar tharavurnai ann samunderer daichajako yisakaenai phelager vaas. Vuj Abrahamer vamsa memathij aayojakoYesu Christhur vodithi apani vo ashishen leval vegecha.

(Mathai 13:31) Yesu vujjek saatuvan vunden ko- swarger rajyam raayir daanar nai cha;vona yek manikya len vor khethema boyo. Hannoj yee jammiper rajathra daad thar aankithi phalen dekesnithoi yek daad paramema dekechi.

Ajji jada dhyan karen pado Yakob 3:18 Raaji karevaal, samadhaner beejana bon niyather phalena kaatacha.