Oct 01 – BEEJA ANN PHAL

Agadiyar Grandh 1:11 Dev- khaden pedakarajako jhaadevun

Huner huner jather prakar hunemathij phalen deval phaler jhaden jammi pedakared ken ko vuj prakar vego.

Phalemaj beeja bharan racha. Vo beejavumaj jaan racha, vu janethij nav nav jhad pedaven jor lelacha. Beeja cheniju jhad cheni, phal denijako jhad kai phaaydo cheni, hannoj yek viswasi sada Dever saru athmavun kamanatho phaldenijako jhadethij samaan.

Jhaad kannai phal devacha. Phalethij beejan bhaar laan ajji jada jhaden pedakaracha. Yee jhaden lagajako phalemathi avajako aach suvanthen sungen athani pangarevu beejan mundethi lejan votha votha naak naknakacha.Yeej prakriya phelan soyethi hajarema jammi sari phelajavacha. Yek vela jhad phalemathi beejan nadatho huner jaath jada vesakeni.

Mar premer Dever beptavo thu phal devnu katho tharema vu phal der beeja tharema chake? Gachab gachab Christhuvaal keralero mot vaath koni lapan Vo Christhu saru athmavun kamayeroj mot vaath. Her yek viswasi athaman kamavnu ann her yek katmalo Dever sevakarevalen meledakal thayyar venu.

Yekhapthi jhadenan beejan sochkaratho, nankyas beeja rathoi seji gunam bharan chajako mot jhaden phelavju karacha. Beeja pedavenu katho agedi  paan, pacha phool ann phal vevjerpacha seji gun chajako jhaden vo beejamayhij bhaar kadacha. Yee kathra acham kalar soch kunike? Mot mot jhad seji nankya nankyas beejavuma bharn racha, vu kimrachkatho nankis sisama mot mot gatlavo sojavaju dikavacha.

Se beejavuma  jaan racha. Khayen chavnujako beeja nankya jader pedema bharan racha. Vu ped thaman ajjek ghat rer jadevun thamadacha. Yen dekhajanna Dever kathra ghano achamkaathi srusthi kidoch kuninke?

Dever vaath hano lakan cha Mathhai 13:31, 32 Yesu vujjek satuvan vunden ko- swarger rajyam raayir daanarnai cha;vona yek manikya len vor khethema boyo. Vu soli daanama nankya chapan vaddajana soli bochkamayi mot ven, asmaner pankeeru sey aan vor dolama vasaju jhaad vachakan ko.

Sey Dever beptavo beejama jeevchaju Dever vathema chajako jeeven leleval venu. Luka 8:11 vachanema lakan chaju  kanna thu vachan kajako beejan boyechiko jana athmavun kaatechi.  Vuner jeevanema Christhunaj natnakechi. Premer Dever beptavo,  yee Dever vathen thamar sevama  rakalden chalo janaj tham aacho phelavocho.

Ajji jada dhyan karen pado Luka 8:8 Thodsek daana aach jammima pade;vo vaddan sohasso phal dinekan ken, kena saamlen kaan chako vu samleda kan jorethi ko.