Oct 01 – MAHEI AMADI MARU!

“Adudagi Iswarna hai, malem asida asang aman, makhal khudinggi maru marang, amasung magi magi jat ki matung inna uhei wahei panba pambi, thanna houba oisanu”,aduga madumak oikhi. (Genesis1:11).

Maru asi mahei adugi manungda lottuna leiribani. Maru adugi nungda punshi leibani. Madugi punshi adugi mapanna anouba upambi puthoknabagi panggal leibani. Mahei leitana maru leiba yadabagumna thajaba mi amana mahei yandrabadi thawai khomba su ngamloi.

Upambisingna mahei yalli. Maduga loinana makhoina mahei adugi mapanna maru pok halli aduga mathang mathang leppa leitana chatthaduna lei. Uhei adugi machu phajaraba amadi manam nungshiba mahao sing aduna uchek sing bu sum hattuna makhoi gi mapanna Maru sing adu mapham apumbada sandoktuna lei. Masigi mapanna u pambi aduna masing cha ama lising ama da yamkhat li. Upambi aduna maru yaodana mahei yanba tarabadi upambi yamkhatpagi lambi leiraroi.

Nungshiba  thawai khomba thajabasing, nanggi nungda leiriba Maru aduna thawai khomlibani. Aphaba Christian ama oiba asina loiba natte adubu thawai khomba Christian oigadabani. Eikhoi mi ama mam thawai khomba mi oigadabani. Imung khuding missionary imung ama oigadabani aduga Iswargi thabak kanna suba mising oigadabani.

Aduga nahakna mahei amadi Maru adugi maramda wakhal toubiyu. Piklaba maru aduda upanbi amagi maong  matousing leiribani. Maru dugi manungda manasu lei, mapal su lei, aduga mahei amadi maong matou khudingmak leiribani. Masi kayada angakpano! Ching gumna wang chaoraba mijao amana piklaba likli amagi manungda tumbagumna Achouba u asina pitru pikpa Maru adugi manungda leiri.

Maru khudingmakki manungda hingba leiribani. Maru aduna panbi ama oirakpa yanaba darkar leiba chinjak singsu Maru adugi manungda leiribani. Madugi nouriba Maru adu ngaksennaba akanba maku amana  yomsillibani. Masigumba sembirakpa Iswaar asi kayada singkhrabano!

Biblena asumna hai, “Swargagi ningthou leibak adu hanggam marugumbani. Madu mi aduna mahakki  ingkhonda hulli. Madu Maru ateisingdagi henna khwaidagi apikpani. Adubu madu chaorakpadadi atei mana masingdagi henna chao i aduga ucheksingna pairaktuna magi masasingda mahum sai. ”(Mathew13:31,32).

Iswargi wahei asi punshi piba ngamba maru aduni, maram aduna Iswargi macha khudingmakna masi pugadabani. (Luke8:11).

Nahakna Sastragi maru sing adu hunba matamda thawai khomgani. Christana makhoigi punshida mayon gumna chongkhatlakkani. Nungshiba Iswargi machasing nahakki Ministry da amadi lannaigi punshida Iswargi wahei asi sijinnou. Maduna nangbu mahei yanba punshi pigani.

Dhyan tougadaba: “aduga kharana aphaba leibakta tarammi, houraktuna mahei chama chamak pallammi. ”(Luke8:8).