SEP 28 – BAROKIJ HEN IYAN IYLE MANGBA-BEN JATABEN!

“Bar bogad amben apsele bo darakunan Hen iyle oskainaienden, barokij Hen iyan iyle mangba-ben jataben, yante gamle uante Hen dakutenai tetten amben janang rapti a dakuten” (Jon 14:3).

‘Hen jataben’, nami adena-ling Kitungan ajanzbjzb beran. Anlen kuddublen Anin ampara maih-ling dakunaben asan, anab-bagu daiyerna ayam-ling. Anlen Anin ampara dakutenben, egale loangan hideran hamte kun ambrij anlen ja Anin batten dakutenben.

Anappai Pol idol-le: “Nami, buhanganji, U’a-len Kitungan do Gamangtung Jisu Kristu lingan a rukunaben asan, anlen ualaben…” (2 Tessalonikia 2:1). Ganijgijle kun apsele gijle dakuten Kristun batte adakunaben asan.

Kuddub ordaran abanantongan iten dete gamle. Kuddub oradar-lingan, gananlam-maranji poromanu boom agabdeleji atikki banantong-lingan dakuji, agan kun booman patate gamle. Kan ordaran amandrangji banantongan do kuddub ordaran badtongle dakuteji. Itedeleja anlen Kitungan amandranji, kun ambrij Kitungle ayirtaih abmele oskaile dakunaben dete.

Ayirtaih adnang, asarajanganji ja tamsuling rukutinji. Tumadgijmar  E jekiel, asar ajangban saring ayiratinan amandran gamte: “Anten asan engale hen banaihan hanglai, ettele hen tungmadgijberan ablenglai. Bar hen ablenglaian adnang aboi sanaddan dele. Bar gijba, rardib rardab sanaddan j’ang lingan tamsulenji” (Ejekiel 37:7).

Nami, Kitungan a janggardan abo monan adeben asan itsumte, Kitungle ayirtaih abmele oskaile dakunaben dete. karukkuanam do darakuna nam saring anuruangan dete, angante amben arakadangan ajaitan ayirtai, kalobori saring mihaman jatadte manglenben, abo maina bo birinda ambrij dete. amben aboi birinda ambrij dakutaben, bo d’ong do surda maihnan ambrij dete.

Kan jznjzn murdandaman abernan Kitungan a mandranji a rukunaben ate. Do bo monan do janggardan adeben dete. Kitungle ja garberle: “Yante gamle angale Aman, E Uang, mang-ling-Hen daku, do Hen mang-ling-Nam daku, ettele kuddubanji abina de-eteji…” (Jon 17:21).

Tanahimdam Kitungan a onagji, angante amben Kitung-lingan adakute, Kitungan abmainate kuddublen do abo j’ee abmeben aitsuman.

Okiy Kinolbe absele: “Bar ambendam am’eng arengge Janggardadage s’ingan a deben asan ganutulan deba….” (1 Pitor 2:4,5).