Sep 27 – KUKADO BOLAJANNA

Marku 13:35 Hanuj Thamsada jaagan ro; kassenkatho _gharer malak sanjer ko, aaj raathko kukado bolthu ko, parabhathi ko, kanna avachakan thamena malam cheni.

Seyji Jeevarasivo suthraianna yek kukado mathram andharo jaan parabhathir vajalo nikalroch sey manikya dado nikalgocha vuncho vuto ken saari jagen kukado bolan votadacha. Kukado bolero katho Dever beta Yesu Christhur chayarnai mundayaj jagena sari malam karrochken dekhancha.

Saasij Dever Athmathi bharamelejako Dever beptavo Yesu Christhu jaldi ayevalo cha ken doosaren kukdornai Dever vaathen bolan hariya baagevasu thayyar karacha.

Daadi Kukado bolajanna Pethrun dee vaathe kannai harde avukarthy voma agadiya kaikatho, ‘ Yesu Christhu kunko manna malam cheni ken ko,jethi ma karrojako prarthana maar papethi samlachko koniko ken Aparadhmer dall’. Doosaro Pethru hano soch kartho viye, kanna Yesu Christhu paran avacha? Jana Pethru hayyo puchiye, Baapu Thu avasjana kanna ma thuthurar boli samliyu? O baapu kukan ma thar dai avu? Thu avasjana thona aradhana karan sthuthi kariyu.

Apaner Prabhu Yesu Christhu jaldi ayevalo cha, jethi apaner mundo vagaden papi chajako admir paap chodan hariyar bagen avju prarthana kara. Apan sada Yesu Christhu jaldi ayevalo cha ken sari jagena prakat karnu. Lapan Yesu kanna avach kajako vu daad reda vu vagath reda keni malam cheni, athoi abba puro veri jako pravachan seni dekhatho vu ayero vagath dayi cha.

Vachanema 300 thi jada Yesu Christhu paran avacha kan lakan cha. Seji apostler  kagadema Yesu avachken lakkan melmelech. Jethij Vachan hanno kacha (1 Thessalonivalun 4:16, 17)

Kimkatho – Prabhu vuj hakmer aatethin, sojar mot aatethin, Dever thuthurathin, swargethi vutharan avacha;jana Christhu ma margejako agadiya jeevya vacha.

Pacha banchan cha jako apani baapur samnak jayen vadaleper vuder sath asmnema vuper jaan hanuj hamesha Prabhu ro saath remacha. Maar premer Dever beptavo thu chodanu jako paapen chonakejen ajjeken Yesur avajanna vo sada thothi bhalan avaju thu kukado bholaju hunen kevnthayyar karnu.

Ajji Jada dhyan karen pado Darshaner Grandh 22:20 Yindena gavayi derojako ma saasij jaldi arochu kan kerocha.