SEP 26 – Isor jun hi bishi kuridiye!

Acts 2:47 Isor ke prathana kuribo aru manukhan laga bhal kuri kene berabo. Aru hodai Isor taikhan  laga girja te manu bisi kuri dibo junke tai bachai dishe.

Amikhan laga Isor tu utu Isor ase jun hi bishi kuri diye. Bishi manu ulta bhabna kuri thake ki tai tu khotom kuri diya laga aru biya kuri diya laga Isor bi ase koi kene. Hoilebi Isor tu bhal thaki kene tai laga biswasi khan karone hodai din bishi kuri diye. Tai kosom dishe nahoi ki tai amikhan ke kitya bi nacharibo?

Bishi baar apuni khan inika lagaibo pare ki apuni khan ekla hoishe aru apuni ke chari dishe. Ekbar nimite apuni ekla se lagi thakile bi tai apiuni ke morom kura tu kitya bi nacharibo.apuni jitya pap thaki kene dur hooi jaishe titya bi tai apuni ke upor pora ahi kene apuni ke bisarishe tai laga morom karone. Tai apuni logote milishe kile koile, titya hi apuni swarg laga rajyo te jabole paribo.

Ekta maiki ke ami jane unke tai laga ghor pora khedai dishe kile koile tai laga mot alogote wafadar thakanai. Tai tu bishi sorom lagi thakishe. Ekdin tai najani kene Isor laga bhal kotha hunibole paishe. Jisu krista jun hi  taike kitya bi nacharibo, aru biya nakuribo ki ki kurile, aru sob biya te bi lobule tayari ase, itu maiki tu itu jani kene Jisu ke  tai laga jibon te ghohon kurishe aru tai ;aga sob jibon Jisu ke dishe. Inika thakkikene tai bishi prathana kuri kene nijor laga mota ke chitti likhi she maph mangi kene. Aru iman achurit pora tai laga mota itu mafi ke grohon kurishe aru taike wapas loishe. Ami khan laga Isor tu tai ase jun hi milai bi diye.

Pobitro kotha te koi James 4:8 Isor laga usorte ahibi, aru tai bi apuni laga usorte ahibo. Apuni khan pap kurishe itu nimite hath dhulabi! Apuni khan laga monte misa mishi ase, itu nimite monke sapha kuribi. Hebrews 11:6 biswasi nathaki kene kunbi Isor ke khushi kuribole naparibo, kle koi le jun Isor usorte ahibole mon ase, tai Biswas kuribole lage Isor ase koi kene aru khali tai hi ashish pabo jun taike bisaribo. Psalms 147:2 jehovah Jerusalem ke arubi bhal kuri diase dusra desh te dhu kene loi ja manu khan ke tai wapas anishe. Itu duniya te manu bishi ase jun khan ke tai khan laga nijor pora chari dishe, kunuba bacha khan ke tai laga ama baba khan pora, kunuba khan ke khandan khan pora aru bishi alag alag bi jani bole pai. Hoilebi Isor tu ami khan ke hodai loi jun khan ke itu diniya te manu khan pora chari dishe.

Bishi sal agote Isreal manu khan ke taikhan laga desh pora khedai dishshe. Hoilebi Isor pora taikhan ke wwapsa anishe taikhan laga jag ate. Aru aji bi taikhan manu logote milai kene rakhi ase. Aji taikhan laga nijor desh bi ase. Oh Isor laga bacha khan, Isor apuni khan ke bi agete loi jabole sai ase, aru atma te apuni khan nijor laga isreal manu khan ke milai dibole kuri ase.

Aji bhabna kuribole laga pobitro kotha tu hoile John 11:52 aru khali taikhan nimite nohoi itu prithibi te jiman Isor laga manu alag alag jagate ase tai khan sob ke ekta kuribole nimite inika hobole lagibo.