SEP 26 – KITUNGAN ABMAINATE!

“Bar bute bute rananbraban hangleji, aninji a d’ong dile dinna Kitungan ranukkun ampara abmainaetenji” (Anappai 2:47).

Kitunglen na abmainate. Ateng mandranji er ganalaman batte gamteji Kitungna abs’ite orde Kitungana radsumte. Bindo Kitungan amandranji timyimte do abmainate. Hen adkaridaben gamle abjzbjzb-aberaitenpo?

Ateng ayam-ling, mang-ling-ben kan ambrij gijtate er sayamge. Do angante angante ate anogande-ben janang yirtai Kitungan d’ong-len karidale orde idja gamle. Bobardika abmele amben pede akaridate, Anin erahid tanimyiman batte timyimbenten. Angante amben Anin amang saring sagai adakulen, Anin d’ong-ben asaiben asan yirai, Kuddub atanimyiman batte. Anindaman maidamneten, anten asan erahid rajam-lingan amben adanete.

Bo inslon abmele galamtai, as’ingan saring anamdungan dele, atanongban saring er dernadage adakule asan. Anin ganamdroij do danusaboi ambrij dakule. Bo denna anin Kitungan abernan amdangle. Jisu Kristun atanimyiman abmele, itejanang akanalkal-ling Anin d’ongle acaridae do adnumdrenglanne, do kun inslo bojang agajaben buteja aberna abmanie bindo kun ayam anin a d’ong-daman surpitle Kitungan amanglen. Kun atikki anin atanongba amangba aboi sittin idol-le tanamadan abmele. Do rumangdaman aberna atanongba a d’ongan jale. Kitungale abmainate.

Bibolan gamte: “Kitungan amangban abadamnaba, do Anin mangba-ben abadamten. E pintu maranji, as’inaba, e baguj’e maranji, uggar-benji abmaridba” (Jakuban 4:8). “Iten asan gamlenden butente Kitungan amangban addamten, anin, Kitungan daku do Anin a d’ong a saijtenji a mandranji a d’ong uhulkujan tiyte na” (Ebri 11:6). “Gamangtungan Jirusalem bargutulte, bar Anin koijole anurung delen a Israel maranji a d’ong abdaiyarre urungtai” (Sanenken 147:2).

Ordar-lingan enegoi amandranji daku a d’onganji janajan adelen ate, apasijanji batte janang janajan adeadji, kulamanji batte, ranukun batte janang. Kitungan ajaben asan oskailen daku a d’onganji.

Jajzngante amihnu adnang, Israel-maranji adesanji saring bigrdan desa-lingan dakuleji. Bindo Kitungan, Kuddubanji urugaite. Do nami janang, Anin a d’onganji a d’ong abmainale daku. Nami aninji adesa-dam-lingan dakuji. Tanahimdam Kitungan a onagji, Anin janang d’ongben aurungben itsumte, janggardadage lingan Israel maranji daku.

Okiy Kinolbe absele: “Bar anten a jattin apsele sattated, bindo yante gamle Kitungan ayengan aonanji barsing gardaige deleji, aninji janang bo ranukku lingan Anin rapti abrukkute” (Jon 11:52).