SEP 25 – KARI AMATTANA NANGBU SOKPA NGAMLOI!

“nahakpu nungthinda numitna , ahingda thana sokhalloi.” (Psalms 121: 6)

Iswargi wasakpikhibasing asi eikhoina dhyan touba matamda eikhoigi mit asi haraobagi pirang na thalli. Iswarna eikhoibu ahing nungthin ngakselliba asi yenglaga yamna angakpani. Iswarna tumba leitana eikhoibu numit ki meisadagi  amadi thagi mangaldagi ngaksenbi..

Houjikki matam asida prithibi asina climate ki maramda yamna ahongba ama thengnari, maduna asabagi chang asi hengat halli aduga mioiba eikhoigi damakta tamba ngamdaba awaba thok hanba ngammi.  Upan bi mayam manghanba amadi asangbagi chang manghanba asina eikhoigi prithibi asina meikhu amadi maninna pik than halli, maduna mioiba eikhoigi damakta hakchangda anaba kaya thok hanba ngammi. Laiyengbada ngamlaroidaba laina laichat nattraga soinaiba kaya thokkhre. Madugumba phibamdagi Iswar khaktana eikhoibu ngakthokpa ngammi.

Eikhoigi Iswar asidi jagat sangsar sembiba mapuduni. Mahakna thawan michak lising lising bu sembirambani. Mahaktana macha eikhoibu nungshi channa  ngaksenba ngamgani.

Aduga masa masagi aningbada chatlaga phattaba touba mising aduna Iswargi ngaksenbiba makhada leiba ngamloi aduga phangsu phangba ngamloi. Eikhoina Bible gi manungda asumna thengnei: “Madu oiraba phaobada nakhoina eigi wa tadrabadi eina nakhoigi papsinggi damak nakhoibu saruk taret henna cheirak pigani. Aduga eina nakhoigi nangak kanba napan thudekkani. Aduga eina nakhoigi  atiya nongdonbu yotkumna , nakhoigi malembu pithraigumna oihangani.” (Leviticus 26: 18,19).

Pharaoh amadi mahakki lanmisingna Israel machasingbu tanba matamda Iswarna leichin gi yumbi amada yathang pire hairaga Red Sea gi mamangda chat hankhi. Madugi leichingi yumbising adu Egypt ki lanmising gi camp amadi Israel machasinggi marakta lakkhi. Egypt ki misinggi damakta leichin amadi amamba oikhi adubu nakan amaromda Israel machasinggi damakta di mangal pibiba amadi  oikhi. Maduna yeknaba sing adu na Israel gi machasinggi manakta changsinba ngamlamde.  (Exodus 14: 20)

Iswarna mahakki machasing eikhoisi ahing nungthin naidana mahakki mitnao gumna ngakselli. Meisadagi ngakthoknabagi damakta Iswarna makhoibu leichin pibi. Maduna makhoina ingna leiba ngamkhi. Aduga makhoina ahingda a ingba amadi thagi mangaldagi ngakthoknaba Iswarna  meigi yumbi pibikhi.

Nungshiba Iswargi machasing, Iswargi ngaksenbiba mathanung sida laktuna masida adum leihouro.

Dhyan tougadaba: “Mahakna nahakpu mahakki matusingna kupsingani, mahakki masasinggi makhada nahakna changjagani. Mahakki achumbana nahakki achouba chunggoi amasung chung oigani.” (Psalms 91: 4)