SEP 25 – ITEJA AGATARAM!

“Tamban adnang uyungan aggataram, orde togalan adnang anggaijan aggataram” (Sanenken 121:6).

Man’ihan amad’an batte mad-ling-len barij daku, angante anlen atanimhim aberna-lingan dakutenben. Yan abangsa Anin d’ong-len arabrabte ate? erdimad-ling-ben Anin d’ongle dongrabte kudduban kanalkal saring.

Nami ayam-ling, ordaran bigrda bigrda banandan adeten ate gijtabe, undrudan aurten ate do mandranji kanalkalan ahangteji ate gijtabe. Do bogad kan ambrij delenden kuddub rasumte, ordar-lingan umudan do mordan maih barijte, ayengan ate d’onganji maih sattang kanalkalan hangte. Anlen janang gijtabe ateng bimbimanji do ersukamaranji, ayengan ate sanamangan erdelabe adakunji ate. kuddub kanalkalan saring Kitungan maih sattang ablulangte.

Kitungle ayengan a Kitung Kuddub ordaran gabdele. Anin na tuitujanji gabdele, egale dakunaben dete dakule. Do Anin sattang apasijangji a d’ong timyimle rabrable agij-gijte a Kitung.

Kun ambrij, ayengan a mandranji er marid atangor-lingan hatenji do aninji Kitungan aberna ermanileben dakuji, do aninji hangam itsumteji etigoi hatenji, aninji anablu-lingan asanji. Anlen bibolan kznol-laben: “Do Hen kaninsa-ben a ranaptin abaldingtai do riang-ben a luangan ambrij do labo-ben ridin ambrij abmetai” (Lebi 26:18,19).

Angante Paron do asanumarnji Israelmaranji ahamben hirleji, tarubsunan appailai. Kun tarubsunan Misoranji do Israelanji atarangde-lingan yir-rai, kun ate Misoranjin abmele lanumudan dele do Israel maranji abmele anabta’ran dele barij tagal-lingan. (Hanagod 14:20).

Kitungle apasijangji ad’ong rabrabte, tamban do togalan. Anin appaitai tarubsunan ungdrudan sagaile sayu abmete egale Israel maranji a d’ng abmele. Do togal-lingan, togisunan appaitai, kuddub saring arabrab-ben asan.

Tanahimdam Kitungan a onagji, Kitungan hirle dakunaba do ranab-raban hangba.

Okiy Kinolbe absele: “Anin a reng-baledanji batte d’ong-nam rubtam Anin a renengan a jaita aman badturten. Anin a janardin uddarda-nam do sanu handram-nam” (Sanenken 91:4).