No products in the cart.
Sep 23 – ANGURER VEL ANN DOLI
elimchurchgospelYohan 15:5 Maaj angurer vel; tham doli ;yek Marmayin Mavormayi runtho, vu ghano phal dacha;Ma cheniju thamathi kaayi karerveni.
Vachan pada jana apaner Prabhu Yesu Christhuj angurer vel ann apan vo velemar yek dolirnai cha, haav kunike Prabhuthi sambhand ghallen rero ghano moto vaath vencha. Kunasi dolired velema rathoj phelavacha nathkan sukhan thudjavacha.
Veleran dolir vacha chajako sambandh kaikatho vela kannai davukaracha ann doli kannai lelukaracha. Saram denu kathoi meetjarak Renukathoi pani Ghalnukathoi yesseyji velethi dolin paraju karacha. Dolivo huner nankya nankyas rajako gandivun rakalden velemathi avajako yessey khathen doli kheenchlacha. Jethij doli aach phalen daju saaram lelacha. Assaj sunnithamero dall rakalden harihar baager saam dekukarnu, jannaj vo daaden chavnujako jor asmanethi thar vumper vutharach. Yek hapthi vu joren thu palatho thu sada hanu kechi “Manna jor devalo Yesu Christhuma ma solin karunchu””. Yee Dever jor hamesha thar jeevanema bharpoor reda. Jana thu Dever genethi malam chenijako seji thu malam karechi. Yeej Dever dayama Vor najarema kannai thu badanu ann phelavnu.
Yesu Prabhu kerovha, ‘ Marmayin Mavormayi runtho, vu ghano phal dacha;Ma cheniju thamathi kaayi karerveni. Devema jodavado venrero ghano nasheeber vath, vuj thona maryadina mahimana laan dacha. Ajkaal Dever seva kareval hunder sevama aarijako velan khamer hathayenitho sevanaj chonaken hoto paran dagar jarecha. Yek paalo jaademar dolima rajathra daad vu phal dethanu deken saha aach dikavacha. Vuj paalo jaademathi thut jaavatho vu her padan sukhan javacha. Vorsaru Devema jodavado venrero ghano aacho.
Kanna yek angurer vel dolima jodan rachko vor hathava jathra meet chajako angurer phal lagacha. Vu manikyan khayena meeto lagacha. Maar premer Dever bethi betavo tham Devethi jodavada rethanu Prabhur saru masaj phal devalernai renu. Dever thar vodithi asa karrojako yeej.
Ajji jada dhyan karen pado Yohan 15:11 Maar khushi thamar mayee renan; thamar khushi bharpoor vena, yindena thamena kerochu.