Sep 24 – Isor jun hi bishi kure!

2 Corinthians 9:8 Ar u apuni khan ki lagi ase Isor apuni khan ke itu pora bi bishi dibole pare; juntu hoikene apuni khan nije cholai kene bi dusra manu ke modot kuribole paribo.

Isor tu sob apuni laga jibon te thaka tu ashirbad banai dibole pare. Isor jun hi apuni ke banai she tai apuni karone notun ashirbad bi banabole pare. Itu Isor laga icha ase apuni apuni bhorta thakibole lage sob bhal kam kura hommoi te.

Apuni sob  te bhorta thakibole karone Isor tu aapuni laga ashirbad tu dui guna kuri diye. Ekbar bhabna kuri sabi apuni ke ki ki pora ashirbad dishe. Itu ashirbad hi ase ki apuni tu itya khara kuribole pari ase. Itu ashirbad aru Isor laga morom hi ase ji pora apuni ke chuni loishe aru apuni Isor laga ministry kuribole pari ase. Pobitro kotha te ami khan diki pai bishi alag alag ashirbad khan ke.

Apostle Peter pora likhishe 1 Peter 5:12 dikhai di ase aru janai di ase ki Isor laga asol ashirbad  tu apuni logote khara hoi thaka hi ase. Isor laga ashirbad pora hi ase ki kun giri jaishe aru piche hoishe, tai khan ke khara kuribo dishe aru ekbar Biswas te. Itu ashirbad pora hi tai khan ke aru ekbar giribole nadiye. Isor kam kura manu khan bi ase jun hi atma te bishi tagot ase aru dangor kam khan Isor karone kure aru 20, 30 sal te bi tai khan laga ministry tu kityabi nahili kene jai thake. Aru itu laga karan tu ki ase koile tu tai khan pobitro atma ke pai loishe  aru itu pora hi tai khan laga ministry tu cholabole pare.

Bro. sam Jebaduari ke bi inika hi Isor laga pobitro atma pora  chuishile sal 1973 aru tai ke sob te uthai di kene Isor laga ministry kuribole tagot dishe 45 sal karone. Isor tai nijor hi gyan budhi dishe taike atma laga Isor kitab likibole karone. Itu khan sob tu Isor laga ashirbad karone hi ase ji pora taike cholaishe.

Bishi manu ase jun hi mon te dukh kuri thake, jitya tai khan Isor kam kura manu khan ke gira dikhe. Tai khan girile bi aru uthile bi tai khan sob Isor laga hi ase. Isor laga suku ekbar munda pora bi taikhan  ke aru bi khara kurai dibole pare.

Itu karone girija Isor kam kura manu khan karone bhabna nakuribi, hoilebi hoshiyar thaki kene Isor kam kura jun hi bishi atma khan bachaishe tai khan laga pichete te berabi aru Isor laga ashirbad ke pabi.

Oh Isor laga bacha khan, jun laga ashirbad apuni khan ke itya tok khara kurai kene rakhi she tai pora hi apunikhan ke tai naha tok bachai kene rakhibo.

Aji bhabna kuribole laga pobitro kotha tu hoile 1 Cor 15:10 hoilebi aji ami ki ase itu sob Isor laga morom nimite hi asearu tai juntu ashish amike dishe itu ini jaa nai. Ulta dusra chela khan pora bi ami hi bisi kam kurise, asolte itu sob ami nijor pora koranai, Isor laga ashish hi amike itu khan sob kuribole dise.