Sep 23 – Gash aru tai laga thani!

John15:5 ami gash ase aru apuni khan thani. Tai jun hi ami logot aru ami tai logote, itu khan hi guti bhal dhure.

Amikhan laga Isor tu angur laga gash ase, aru apunikhan tai laga thani.ekbar bhabna kuribi kiman bisundor ase apuni aru Isor laga risthta juntu kun bi bhangabo napare. Judi thanai khan tu gash te nathake titya muri jai.

Gash aru thani laga majete toh gash pora hi hodai din thani ke ki potion khan lage di thake. Aru thani te thaka chutu ched khan pora hi itu potion khan lobule pare. Aru gash laga sob bhal kkhan tu thani aru pata khan te hi jai guti bhal ulabo karone.

Itu nishina hi apunikhan bi apuni khan laga mon laga chenda pora Isor laga ashish tu lobule bisaribi, apunilaga jibon te guti bhal hobole nimite. Apuni Isor laga Shakti paile apuni itu  kobo Pribo ki, “ami sob kuribole pare tai pora Krista jun hi amike tagot diiye.isor laga achurit gyan apuni laga jibonte bi hodai hobole dibi. Titya hi apuni achurit kotha khan kobole paribo, achurit gyan loikene. Hodai din Isor laga ashirbad te thakibole lage. Aru apuni ashirbad uporte ashirbad pora dangor hobo.

Jisu pora koi, “ami gash ase aru apuni khan thani. Tai jun hi ami logot aru ami tai logote, itu khan hi guti bhal dhure”. Itu bishi zaroori ase ki ami khan Isor logote thakibo lage, titya hi apuni sonman aru ashirbad laga jibon thakibo paribo.amikhan dihipai ki bishi Isor kam kura manu khan tai khan laga ministry tu akh barha bole napara hoi jai aru Isor ke biswasi nathaka hoi jai it utu kile koile tai khan Isor logote  nathake aru tai laga ashirbad bi nathaka hoi jai.

Jitya ekta pata gash logote lagi kene thake tai tu hara aru sundor hoi kene thake. Hoilebi itu pata ke kati kene gah pora alag kuri dile, tai sukhi jai aru mori jai. Itu nimite  apuni khan bi apuni khan laga gash Isor jun pora apuni potion pai tai logote lagi kene thakibo lage. Jitya apuni lagi kene thakibo apuni bi gash laga thani nishina guti bhal dhuribole paribo.

Oh Isor laga bacha khani apuni khan ke bi Isor logote thakibole mati ase, apuni laga jibon te guti bhal aru phal bhal ulabo nimite.sob manu pora Isor tu itu hi rukhe ki tai laga bijon khan sob phal guti bhal dhuribole. Itu nimite guthi bhal dhuribi aru mitha phal Isor laga dusra ke khabole dibi.

Aji bhabna kuribole laga pobitro kotha tu hoile, John 15;11 ami apuni khan ke kile itu khan koi ase koile amilaga khusi khan apuni khan bujibole paribo aru apuni khan bi khusi pora thakibo.