Sep 24 – KITUNGAN ABAURTE!

“Iten asan gamlenden yante gamle tordong ayam amben apsele kuddub abmele barijloge tullate, do amben kuddub bangsa baran abmele rapti abatengte, kun asan Kitungan amben apsele kuddub asuyeman rapti abawrte” (2 Korintia 9:8).

Kitungan mandrengna-ling-ben kuddub asuyeman appaitai. Ayengan Kitung gabdelbente, tabme sanabyem abpaitai. Kan ate Kitungan aitsum egale amben erasui-adeben, do kuddub bangsa baranji batte.

Amben abmele erasui-adeben asan, Kitungan sanabyem batte abaurte. ‘Kuddub sanabyem’ abmele ogandele gijba. Amben atanangben abmele sanabyem sanaisai do abs’idong. Kitungan abara abmele amben surpidamle sanabyem ajanabab ahangben dete. Bibol-lingan anlen sanabyem abmele gijtabe.

Anappai Pitoran Idoleten: “Kanante Kitungan a sakkai asuyeman na” (1 Pitor 5:12). Kan ate Kitungan asuyem batte, ayengan amandranji dayergudlen yirleji do kanurkur-lingan galuleji a d’ong gadlamte. Kan anten asuyem, okij agaluben saring ablute. Jajzngante Kitungan aboantanji daku, janggardan batte rumang baran lumle enegoi Kitungan abaranji adnang ayamanji abaureten, buten buten ate bokurdi orde bokurdi-galji mihnum sikoija. Iten asan gamlenden aninji Kitungan abaran abmele Anin batte ganudingan deleji do Janggardan-lingan dakuan dakule ganudingan batte baran lumleji asan.

Bo buhangan, ahiman Sam Jebadurai, a d’ongan Kitungan ajanggardan batte hanaman dele 1973 sallon ayam-ling. Sanabyem batte, bakurdi-moloi mihnum sikoija Kitungan araptin batte abaran lumle dakunete. Janggardadage akambo’olan aidolben asan banuding do ganalaman tiyle. Kan kudduban dete, Kitungan asanabyem batte, abtangorben abmele.

Etigoi mandranji audgar-linganji dakuji kanuding batte, angante aninji gijleji Kitungan aboantanji aganalu abmele. Aninji ja galuben dete orde atanangben dete, aninji Kitungan ate. kan ambrij, Anin aganij-gij-lingan saring, Kitungan bar oki aninji a d’ong gudingle abdradute.

Anten asan, Kitungan aboantanji agalutenji ate gijangijle akudingdongne, bindo man’oihan batte Kitungan aboantanji a d’ong sandungba Kristun abmele pwrardan ahangleji amandranji ampara, asanabyem batte. Tanahimdam Kitungan a onagji, Kitungan asanabyun d’ong-ben abtangortaben, Anin ayirtaih sikoija amben ampara dakuten.

Okiy Kinolbe absele: “Bindo itente hen daku, antate Kitungan asuyeman batte hen daku. Do Anin a itente asuyeman hen apsele dele, antate kayatingge addead, bindo kuddubanji saring hen awr baran lumlai. Dele janang hendam ted, bindo hen ampara a dakutenan a Kitungan asuyeman maih baraten” (1 Korintia 15:10).